شىعىستانۋشى، 2000-2013 جىلدارى قازاقستان مۇسىلماندارى ءدىني باسقارماسىن باسقارعان ءابساتتار قاجى دەربىسالى جانساقتاۋ بولىمىندە جاتىر. بۇل تۋرالى قازاقستان مۇسىلماندارى ءدىني باسقارماسىنىڭ باسپا ءسوز حاتشىسى اعابەك قونارباي ۇلى حابارلادى.
"ءمۇفتياتتى ون جىلدان استام باسقارعان، عۇمىرىن ءبىلىم مەن عىلىمعا ارناعان ءابساتتار قاجى دەربىسالى اۋىر حالدە جانساقتاۋ بولىمىنە ءتۇسىپتى...
"دوستان – دۇعا" دەگەندەي، اللادان شيپا تىلەپ قويساڭىزدار. اللا تاعالا بارشا ناۋقاس جانداردىڭ دەرتىنە شيپا بەرگەي. سىناقتى ساتتەن امان-ەسەن ءوتۋدى ءناسىپ ەتكەي" دەلىنگەن جازبادا.
ءابساتتار باعىسباي ۇلى دەربىسالى 1947 جىلى 15 قىركۇيەكتە وڭتۇستىك قازاقستان وبلىسى تۇلكىباس اۋدانىندا دۇنيەگە كەلگەن. 1969 جىلى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ فيلولوگيا فاكۋلتەتىن ۇزدىك ءتامامداعان. 1970-1975 جىلدارى كسرو عىلىم اكادەمياسى شىعىستانۋ ينستيتۋتىنىڭ اسپيرانتۋراسىندا وقىدى. شىعىستانۋشى، ءدىنتانۋشى، ادەبيەت زەرتتەۋشى، جازۋشى، سىنشى، فيلولوگيا عىلىمدارىنىڭ دوكتورى.
پىكىر قالدىرۋ