– ءوز اتىمنان جانە ءماجىلىس دەپۋتاتتارىنىڭ اتىنان تمد پارلامەنتارالىق اسسامبلەياسى كەڭەسى باس حاتشىسىنىڭ ورىنباسارى - قازاقستان رەسپۋبليكاسى پارلامەنتىنىڭ وكىلەتتى وكىلى اسحات جارىلقاسىن ۇلى نۇسقابايدىڭ مەزگىلسىز قايتىس بولۋىنا بايلانىستى قايعىرىپ كوڭىل ايتامىز.
ديپلوماتيالىق قىزمەتتە مول تاجىريبەسى بار اسحات جارىلقاسىن ۇلى قازاقستان مەن قىرعىزستاننىڭ، قازاقستان مەن رەسەيدىڭ مەملەكەتارالىق قاتىناستارىن نىعايتۋعا زور ۇلەس قوستى. قازاقستان رەسپۋبليكاسى پارلامەنتىنىڭ وكىلەتتى وكىلى - تمد پاا كەڭەسى باس حاتشىسىنىڭ ورىنباسارى لاۋازىمىندا تمد ەلدەرى اراسىنداعى پارلامەنتارالىق ىنتىماقتاستىقتىڭ دامۋىنا ىقپال ەتتى.
ەلىمىزدىڭ پاتريوت ازاماتى اسحات جارىلقاسىن ۇلى تۋرالى جارقىن ەستەلىكتەر جاقىندارىنىڭ جۇرەگىندە ماڭگى ساقتالادى – دەدى، نۇرلان نىعماتۋلين.
اسحات جارىلقاسىن ۇلى نۇسقاباي 1997 جىلدان بەرى قازاقستان رەسپۋبليكاسىنىڭ سىرتقى ىستەر مينيسترلىگى سالاسىندا جۇمىس ىستەگەن.
2017 جىلعى قازاندا تمد پارلامەنتارالىق اسسامبلەياسى كەڭەسى باس حاتشىسىنىڭ ورىنباسارى - قازاقستان رەسپۋبليكاسى پارلامەنتىنىڭ وكىلەتتى وكىلى بولىپ تاعايىندالعان.
پىكىر قالدىرۋ