پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن ەل اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆاك وتىرىسى ءوتتى.
ۆيسە-پرەمەر قىسقا مەرزىمدە كەلەسى شارالاردى قابىلداۋدى تاپسىردى:
- جاڭا شتاممداردىڭ پايدا بولۋىن ەسكەرە وتىرىپ، كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى جەدەل ءىس-قيمىلداردىڭ ناقتى جوسپارىن ازىرلەۋ جانە ەنگىزۋ؛
- "QazVac" وتاندىق ۆاكسيناسىن دۇنيەجۇزىلىك دەنساۋلىق ساقتاۋ ۇيىمىندا تىركەۋ جانە ونى ودان ءارى ءۇشىنشى ەلدەردىڭ نارىقتارىنا شىعارۋ ماسەلەسىن پىسىقتاۋ، وسى باعىتتا ناقتى جول كارتاسىن ازىرلەۋ؛
- كارانتيندىك شەكتەۋلەردى ساقتاۋعا قويىلاتىن تالاپتاردى قاتاڭداتۋ ماسەلەسىن پىسىقتاۋ؛ ۆاكسينالاۋ قارقىنى تومەن وڭىرلەرگە ادىستەمەلىك كومەك كورسەتۋ ءۇشىن كوشپەلى بريگادالاردى قالىپتاستىرۋ؛
- كوروناۆيرۋستى دياگنوستيكالاۋ مەن ەمدەۋ حاتتامالارىنا سايكەس رەانيماسيا بولىمشەلەرى مەن جەدەل مەديسينالىق كومەك قىزمەتتەرىن قوسىمشا جاراقتاندىرۋدى قامتاماسىز ەتۋ جونىندە ناقتى ۇسىنىستار ەنگىزۋ؛
- كوروناۆيرۋسپەن اۋىراتىن ناۋقاستاردى ەمدەۋ ءۇشىن "رەمدەسيۆير" پرەپاراتىن ورتالىقتاندىرىلعان ساتىپ الۋ ماسەلەسىن شەشۋ جونىندە شارالار قابىلداۋ؛
- ىشكى ىستەر مينيسترلىگى باسقا دا مۇددەلى مەملەكەتتىك ورگاندارمەن بىرلەسىپ، جالعان ۆاكسينالاۋ پاسپورتتارىن جاساۋدىڭ جولىن كەسۋ جونىندەگى ۆەدومستۆوارالىق ارنايى توپ قۇرسىن؛
- سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى "اتامەكەن" ۇلتتىق پالاتاسىمەن جانە دەنساۋلىق ساقتاۋ مينيسترلىگىمەن بىرلەسىپ، بيزنەس سۋبەكتىلەرىن "Ashyq" باعدارلاماسىنا ەنگىزۋ جونىندەگى تالاپتاردى جەڭىلدەتسىن.
- مەملەكەتتىك ورگانداردىڭ باسشىلارى مەن وڭىرلەردىڭ اكىمدىكتەرىنە ۆاكسينالاۋ تۇرعىسىنان ءتۇسىندىرۋ جۇمىستارىن كۇشەيتۋدى تاپسىردى
- "Ashyq" ارقىلى تىركەلگەن قوعامدىق ورىندارعا باراتىن "قىزىل" جانە "سارى" مارتەبەسى بار ادامدارعا قاتىستى شارالاردى قاتاڭداتۋ تۋرالى شەشىم قابىلدادى.
- ەندى كارانتين رەجيمىن "قىزىل" مارتەبەسى بار بۇزۋشىلاردىڭ ەسىمدەرى بۇقارالىق اقپارات قۇرالدارىندا جاريالانادى.
پىكىر قالدىرۋ