"پاندەميا ايماق باسشىلارى ءۇشىن وزىندىك ەمتيحان بولدى. بۇل ەمتيحاندى اكىمدەردىڭ كەم دەگەندە جارتىسى "ۇشكە" تاپسىردى" دەگەن پرەزيدەنت قاسىم-جومارت توقايەۆتىڭ مالىمدەمەسىنەن كەيىن ساياساتكەر سانجار بوقايەۆ ايماق باسشىلارىنىڭ جۇمىسىنا وزىندىك ساراپتاما جاساپ، ناتيجەسىن جاريالادى.
ساياساتكەر ۇكىمەتتىڭ فۋنكسيونالدىق مىندەتى "5" بالدىق جۇيەگە سۇيەنىپ باعالانعانىن، باعالاۋ وبەكتيۆتى بولۋى ءۇشىن ەڭ جاقسى ساراپشىلار، ەكونوميستەر، ساياساتتانۋشىلار، الەۋمەتتانۋشىلار مەن قارجىگەرلەردىڭ كەڭەسىنە جۇگىنگەنىن ايتادى.
– باعالاۋدى دالەلسىز ىس-ارەكەتپەن ەمەس، ۇكىمەت تۋرالى زاڭنان جانە primeminister.kz سايتىنان الىنعان ۇكىمەتتىڭ 30 ناقتى فۋنكسيونالدىق تاپسىرماسىنان قارادىق، – دەيدى ساياساتكەر.
ۇكىمەتتىڭ كۇندەلىگىنە "5" بالدىق شكالا بويىنشا ۇپايلاردى ساياساتكەر دوسىم ساتبايەۆ، الەۋمەتتانۋشى گۇلميرا يلەۋوۆا، ەكونوميست قاسىمحان قاپپاروۆ، قارجىگەر راسۋل رىسمامبەتوۆ جانە اندرەي چەبوتاريەۆ قويعان.
باعالاۋ قورىتىندىسىنا ساي، اۋىل شارۋاشىلىعى، يندۋستريالاندىرۋ، قۇقىقتىق ساياسات، قوعاممەن بايلانىس جۇمىستارى "1" دەگەن باعا السا، ۇكىمەتتىڭ جالپى جيناعان باعاسى 2-گە تەڭ.
– مەن دە سىزدەر سياقتى مينيسترلەر كابينەتىنىڭ باسشىسى اسقار مامينگە ساراپشىلار قانداي باعا بەرەتىنىن بىلگىم كەلدى. ويتكەنى ونىڭ باستى مىندەتى – ۇكىمەتتىڭ جۇمىسىن ءتيىمدى ۇيىمداستىرۋ. ساراپشىلار مامين مىرزانىڭ جۇمىسىنا "2" دەگەن باعا قويدى، – دەدى ول.
ساياساتكەر مۇنداي قابىلەتسىز باسشىلاردى وتستاۆكاعا كەتىرۋدى تالاپ ەتۋگە بولاتىنىن دا اتاپ ءوتتى.
– مەنىڭ ويىمشا ۇنەمى "2" الاتىندار ەلدى جانە ەكونوميكانى باسقارماۋى كەرەك. ولاردىڭ جۇمىسىنان تۇك شىقپايتىنى بەلگىلى. بۇل ساراپتامانى قاسىم-جومارت توقايەۆقا جولدايمىن، – دەپ ءسوزىن تۇيىندەدى ساياساتكەر.
پوسموترەت ەتۋ پۋبليكاسيۋ ۆ Instagram
پىكىر قالدىرۋ