"قايرات" فۋتبول كلۋبى چەمپيوندار ليگاسى ىرىكتەۋ ويىندارىنىڭ ەكىنشى راۋندىندا سەربتىڭ "سرۆەنا زۆەزدا" كومانداسىن جەڭدى، دەپ حابارلادى vestikzsport الەۋمەتتىك پاراقشاسى.
الماتىنىڭ ورتالىق ستاديونىندا وتكەن ويىن 2:1 ەسەبىمەن الاڭ يەلەرىنىڭ پايداسىنا شەشىلدى.
ەندى قارىمتا ويىن 29 شىلدەدە بەلگرادتا وتەدى.
ايتا كەتەيىك، كوماندالار ەۋروكۋبوكتەردە كەزدەسكەن بولاتىن. 2002 جىلى ۋەفا كۋبوگى بىلىكتىلىگىنىڭ ءبىرىنشى راۋندى اياسىندا "قايرات" ەكى ويىندا دا 0:2 جانە 0:3 ەسەبىمەن جەڭىلىپ قالعان ەدى.
الايدا، 2015/16 جىلعى ماۋسىمدا الماتىلىق كلۋب ەۋروپا ليگاسىنىڭ ىرىكتەۋ كەزەڭىندە سەنىمدى ريەۆانش وتكىزدى. "قايرات" سەربيالىق كلۋبتى 4:1 ەسەبىمەن جەڭدى.
پىكىر قالدىرۋ