قىتايدا قيراعان عيماراتتان 4 ايلىق بالاسىن قۇتقارماق بولعان انا ءۇيىندى اراسىندا كوز جۇمدى.  بۇل تۋرالى بي-بي-سي اقپارات اگەنتتىگى حابارلادى.

قىتايداعى حەنان پروۆينسياسىندا تاسقىن مەن جاڭبىر سالدارىنان قيراعان عيماراتتا 24 ساعات بويى انا مەن بالانى قۇتقارۋ جۇمىستارى جۇرگىزىلگەن. قۇتقارۋشىلاردىڭ بالانى قۇتقارىپ جاتقان كادرلارى عالامتوردا كەڭىنەن تارادى. ولار بالانى شامامەن ءۇش-تورت ايلىق دەپ بولجاعان.

– مەن بالانىڭ داۋىسىن ەستىدىم، سول ساتتە قۇتقارۋشىلار بالانى قۇتقارىپ ۇلگەردى. اناسى ونى بيىك جەرگە لاقتىردى، – دەدى ءوزىن چجاو دەپ تانىستىرعان وتباسى مۇشەسى.

قۇتقارۋ توبى 4 ايلىق بالانى اۋرۋحاناعا جەتكىزدى. ءقازىر ءسابيدىڭ دەنساۋلىعى جاقسى. ال اناسىنىڭ دەنەسى بەيسەنبىگە دەيىن تابىلماعان. قۇتقارۋشىلار بالانىڭ اناسى تاپقان كەزدە، ول بىردەڭەنى كوتەرىپ تۇرعانداي مۇزداپ قالعانىن ايتتى.

حەنان پروۆينسياسىندا تولاسسىز جاۋعان جاڭبىر كوپتەگەن ەلدىمەكەندەردە اپاتتار تۋدىردى. تولاسسىز جاۋعان جاڭبىر سالدارىنان كوپتەگەن ۇيلەر قيراپ، كوپىرلەر مەن جولدار جابىلىپ قالعان.

بۇعان دەيىن قۇتقارۋ جۇمىستارى كەزىندە 33 ادام قازا تاۋىپ، 200 000 ادام ۇيلەرىنەن ەۆاكۋاسيالانعانى حابارلانعان.