دەنساۋلىق ساقتاۋ ءمينيسترى الەكسەي سوي "قازاقستاندا بالالاردى ۆاكسيناسيالاۋ قاي ۋاقىتقا جوسپارلانىپ وتىر" دەگەن سۇراققا جاۋاپ بەردى.
– ءبىزدىڭ بالالارىمىز ۆاكسيناسياعا مۇمكىندىك الۋى كەرەك. ازىرگە ناقتى مەرزىمدەردى اتاي المايمىز. ءبىراق ءقازىردىڭ وزىندە كوپتەگەن اتا-انالار ءوتىنىش ءبىلدىرىپ، بالالارىن ۆاكسيناسيالاۋدى سۇراپ جاتىر. وكىنىشكە وراي ازىرگە قازاقستاندا مۇنداي ۆاكسينا جوق. مۇمكىندىك پايدا بولعاننان كەيىن ءبىز مۇنى قامتاماسىز ەتەمىز، – دەدى سوي ورتالىق كوممۋنيكاسيالار مينيسترلىگىندەگى بريفينگتە.
بۇعان دەيىن مينيستر دۇنيەجۇزىلىك دەنساۋلىق ساقتاۋ ۇيىمى ماقۇلداۋىنان وتكەن Pfizer ۆاكسيناسىنىڭ العاشقى پارتياسىن 12-18 جاس ارالىعىنداعى بالالارعا سالۋ جوسپارلانىپ وتىرعانىن ءمالىم ەتكەن. ستاتيستيكاعا ساي، قازاقستاندا وسى جاس مولشەرىنە سايكەس كەلەتىن ەكى ميلليوننان استام بالا بار.
سوي بالالارعا ۆاكسينا سالۋ اتا-انالاردىڭ كەلىسىمىمەن جۇزەگە اساتىنىن، ۆاكسينا ارتىلىپ جاتسا، ۇلكەندەرگە دە سالىناتىنىن ايتتى.
پىكىر قالدىرۋ