بوكستان قازاقستان كومانداسىنىڭ مۇشەسى سەرىك تەمىرجانوۆ توكيو وليمپياداسىنداعى العاشقى كەزدەسۋىنە قاتىستى پىكىر ءبىلدىردى، دەپ جازادى Olympic.kz. 

قازاقستاندىق بوكسشى 57 كەلىدە سىنعا ءتۇسىپ، ۆەنگريالىق رولاند گالوشتى جارىس جولىنان شىعاردى.

– جەكپە-جەك باستالعانعا دەيىن قارسىلاسىمدى ءبىراز زەرتتەدىم. ول ليسەنزيالىق تۋرنيردە ءۇشىنشى ورىن العان. ارينە، وليمپياداداعى العاشقى كەزدەسۋىم بولعان سوڭ، جاۋاپكەرشىلىك جوعارى بولدى. قوبالجىعانىم دا راس. ويتكەنى، كوماندا ساپىنان ەڭ ءبىرىنشى بولىپ شارشى الاڭعا مەن شىقتىم. سوندىقتان، جەڭىسكە جەتۋ ءۇشىن بار كۇشىمدى سالدىم. ەندى كەلەسى كەزدەۋگە دايىندالامىز، – دەدى تەمىرجانوۆ. 

سەرىك تەمىرجانوۆ كەلەسى اينالىمدا امەريكالىق روگان ديۋكپەن قولعاپ تۇيىستىرەدى.