قازاقستاندىق اۋىراتلەت يگور سون توكيو وليمپياداسىندا قولا مەدال يەلەندى، دەپ حابارلادى Olympic.kz سايتى.
قازاقستاندىق زىلتەمىرشى 61 كەلىگە دەيىنگى سالماقتا سىنعا ءتۇستى. يگور جۇلقا كوتەرۋدە 131 كەلىنى باعىندىرسا، سەرپە كوتەرۋدە 163 كەلىنى ەڭسەردى.
تورەشىلەر يگور سوننىڭ ەكى مۇمكىندىگىن ەسەپكە العان جوق. قوسسايىس قورىتىندىسى بويىنشا قازاقستاندىق سپورتشى 294 كەلىنى كوتەردى.
التىن جۇلدەنى قىتايلىق لي فابين (313 كەلى)، كۇمىستى يندونەزيالىق ەكو يۋلي يريەۆان (302 كەلى) يەلەندى.
بۇل قازاقستان كومانداسى ساپىنداعى ەكىنشى جۇلدە. كەشە دزيۋدودان ەلدوس سمەتوۆ قولا جۇلدەگەر اتانعان بولاتىن.
پىكىر قالدىرۋ