"بىرنەشە بالا ءتۇسىپ كەتىپ كوز جۇمعان ارىقتىڭ بەتى اشىق جاتقانعا كوپ جىلدىڭ ءجۇزى بولدى" دەپ شاعىمدانادى الماتى وبلىسى تالعار اۋدانى بىرلىك اۋىلىنىڭ تۇرعىندارى.

جەرگىلىكتى تۇرعىنداردىڭ ايتۋىنشا، ارىقتىڭ وسىلاي اشىق جاتقانىنا 7-8 جىل بولعان. وعان جايىلعان مال، ءتىپتى بىرنەشە كىشكەنە بالا ءتۇسىپ، قازا تاپقان. 

"اكىمشىلىككە ايتقانىمىزبەن، جىلدار بويى سول كۇيىندە تۇر. 6 جىل بۇرىن جاڭا كومپانيا ارىقتىڭ بەتىن جابامىز دەپ جۇمىس ىستەگەن. ءبىراق ءتىپتى دە كوپ جەرلەردى اشىق تاستاپ كەتتى" دەيدى مۇرات ەسىمدى جەرگىلىكتى ازامات. تۇرعىندار 500 مەتر ارالىقتا ارىقتىڭ كەمى 3-4 جەرى اشىق جاتقانىن، ونىڭ ادام ومىرىنە ءقاۋىپتى ەكەنىن ايتادى.

فوتو: تالعار اۋدانى، بىرلىك اۋىلى، جىبەك جولىنىڭ بويىنداعى ارىقتىڭ اشىق جاتقان جەرلەرى