الەمنىڭ تۇكپىر-تۇكپىرىندە تابيعاتتىڭ ءتۇرلى توسىن سىيى مەن اپاتتار بولىپ جاتىر.
ايتالىق، مول مولشەردە تۇسكەن جاۋىن-شاشىن سالدارىنان لوندوننىڭ كوپتەگەن اۋداندارىنىڭ كوشەلەرى سۋ استىندا قالدى.
ۆۆس دەگەگىنشە، ۇزىن-سونار كولىك كەپتەلىستەرى پايدا بولىپ، پويىز بەن مەترو قوزعالىسى بۇزىلعان. سولتۇستىك اينالما جول مەن تەمزا وزەنىنىڭ استىنداعى توننەل، 8 مەترو بەكەتى جابىلعان.
ۇلىبريتانيا بيلىگى جاۋىن دەڭگەيى 100 ميلليمەترگە جەتكەن ەلدىڭ وڭتۇستىك-شىعىسىنىڭ باسىم كوپشىلىگىندەگى جاعدايعا بايلانىستى "سارى دەڭگەي" جاريالادى.
– مەن لوندوندا ءتۋىپ-وستىم. مۇندايدى ومىرىمدە كورمەپپىن. اۆتوبۋستار سۋدان قوزعالا الماي ءبىر ورىندا تۇرىپ قالدى، – دەيدى ۆەلوسيپەديست ەددي ەلليوتت.
سينوپتيكتەر الدا تاعى نوسەر جاۋىپ، جەل سوعۋى مۇمكىن ەكەنىن ەسكەرتتى.
ال افريكانىڭ وڭتۇستىگىندە قار جاۋىپ، رەكوردتىق اياز تىركەلدى. وڭتۇستىك افريكا رەسپۋبليكاسىنىڭ ورتالىق بولىگىندە اۋا تەمپەراتۋراسى مينۋس 10 گراۋدۋسقا دەيىن تومەندەگەن. كوكتايعاققا بايلانىستى جولدار جابىلعان.
Dw.com باسىلىمىنىڭ جازۋىنشا، 24 شىلدە تۇندە بويىنشا ەلدىڭ 19 اۋدانىندا تومەنگى تەمپەراتۋرا رەكوردى تىركەلگەن.
وتكەن اپتادا تۇركيانىڭ ريزا جانە ارتۆين پروۆينسيالارىندا نوسەردەن سۋ تاسقىنى بولدى. ارحاۆي ءوزىنى ارناسىنان اسىپ، اۋدان ورتالىعى مەن اۋىل جولدارىن باسىپ قالعان.
گەرمانيانىڭ رەينلاند-پفالس، سولتۇستىك-رەين-ۆەستفاليا جانە باۆاريا شتاتتارىندا نوسەر جاۋىپ، سالدارىنان سۋ تاسىپ، 164 ادام قازا تاپتى.
كوبلەنس پوليسياسىنىڭ مالىمدەۋىنشە، رەينلاند-پفالس شتاتىندا سۋ تاسقىنى كەزىندە قازا تاپقاندار سانى 117-گە، جاراقات العاندار سانى 749-عا جەتكەن. سولتۇستىك رەين-ۆەستفاليا شتاتىنىڭ ىشكى ىستەر قىزمەتى شتاتتا سۋ تاسقىنىنان قازا تاپقاندار سانى 47-گە دەيىن وسكەنىن مالىمدەدى.
21 شىلدەدە قىتايدىڭ چجەنچجوۋ قالاسىنا تولاسسىز جاۋعان جاڭبىر سالدارىنان 12 ادام قايتىس بولىپ، مىڭداعان ادام ەۆاكۋاسيالاندى.
حەنان پروۆينسياسىنداعى تاسقىننان 500-دەن استام ادام قۇتقارىلىپ، 200 مىڭنان استام ادام ۇيلەرىنەن ەۆاكۋاسيالاندى. اپاتتىڭ ۆيدەولارى الەۋمەتتىك جەلىدە تاراپ جاتىر.
– مەن چجەنچجوۋدا تۇرعالى ومىرىمدە بۇگىنگىدەي جاڭبىر كورگەن ەمەسپىن، – دەدى ۆان گيرونگ اتتى 56 جاستاعى جۇڭگو ازاماتى.
بي-بي-سي مالىمەتىنشە ءۇش كۇندە چجەنچجوۋدا جاۋعان نوسەر مولشەرى ءبىر جىلدىق جاۋىن-شاشىن دەڭگەيىنە تەڭ بولعان.
Watch: Touching moments during flood rescue in #Henan pic.twitter.com/zT3vuuVCSy
— CGTN (@CGTNOfficial) July 21، 2021
پىكىر قالدىرۋ