قازاقستاننىڭ بوكستان ەرلەر قۇراماسىنىڭ باس باپكەرى عالىم كەنجەبايەۆ توكيو وليمپياداسىنىڭ 1/8 فينالىندا الەم چەمپيونى بەكزات نۇرداۋلەتوۆتىڭ، سونىمەن قاتار باسقا دا بوكسشىلاردىڭ جەڭىلۋ سەبەبىن ءتۇسىندىردى، دەپ حابارلادى Sports.kz سايتى.
– بەكزات تورەشىلەر ساناعان سوققىلاردى وتكىزىپ الدى. جەكپە-جەك ارينە قيىن. ءبىرىنشى راۋندتا جەڭىلدى، ەكىنشىسىن جەڭىپ، ءۇشىنشى راۋند تەڭ ءوتتى. باسىمدىق ءبىزدىڭ بوكسشىدا بولدى. ءبىراق كەيىن قاسى جارىلىپ، كەزدەسۋ توقتاتىلا بەردى. قىسقاسى كەزدەسۋ وسىلاي بولدى. رەسەيلىك سپورتشى بەكزاتتىڭ ەڭ مىقتى قارسىلاستارىنىڭ ءبىرى ەدى. ارينە، جەڭىل جەكپە-جەك بولمايدى. ءوزىم وسى جەكپە-جەك ءۇشىن قاتتى ۋايىمدادىم، – دەگەن عالىم كەنجەبايەۆ بەكزات نۇرداۋلەتوۆ قۇلاشتاپ ۇرعان سوققىلاردى بايقاماعانىن، وعان قارسىلاسىنىڭ وڭ قولىن باقىلاۋدا ۇستاۋ تۋرالى نۇسقاۋ بەرىلگەنىن ايتتى.
پىكىر قالدىرۋ