قازاقستاندىق بوكسشى ءابىلحان امانقۇل توكيوداعى وليمپيادا ويىندارىن جەڭىسپەن باستادى. بۇل تۋرالى Olympic.kz سايتى.
75 كەلىگە دەيىنگى سالماقتا جۇدىرىقتاسقان امانقۇل وزبەكستاندىق فانات قاحرومونوۆپەن كەزدەسكەن بولاتىن.
تارتىستى جەكپەك-جەكتىڭ ءبىرىنشى راۋندىندا تورەشىلەر جەڭىستى وزبەك بوكسشىسىنا بەردى. الايدا، ەكىنشى راۋندا تەز جينالعان ءابىلحان قارسىلاسىن نوكداۋنعا جىبەرىپ، ءۇشىنشى كەزەڭدە دە قارسىلاسىنان باسىم ءتۇستى.
ناتيجەسىندە، تورەشىلەر قازاقستاندىق بوكسشىنىڭ جەڭىسىن مويىنداپ، امانقۇل كەلەسى اينالىمعا ءوتتى.
شيرەك فينالدا ءابىلحان امانقۇل برازيليا ەلىنىڭ وكىلى ەبەرت كونسەيسامەن قولعاپ تۇيىستىرەدى. كەزدەسۋ 1 تامىزعا جوسپارلانعان.
بۇعان دەيىن ءتورت قازاقستاندىق بوكسشى قارسىلاستارىنان جەڭىلىپ، توكيو وليمپياداسىن اياقتاعان.
پىكىر قالدىرۋ