كوروناۆيرۋس ينفەكسياسىنىڭ ورشۋىنە بايلانىستى الماتى "قىزىل" ايماقتا. سانيتارلىق-ەپيدەميولوگيالىق جاعدايعا بايلانىستى قۇربان ايت مەرەكەسى بويىنشا بارلىق ءىس-شارا ونلاين فورماتتا وتەدى.
وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى قالاسىنىڭ باس يمامى و. تولەبي، ورتالىق مەشىتتىڭ نايب يمامى ر. قايىرگەلدى، قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ءارى قالانىڭ باس مەملەكەتتىك سانيتارلىق دارىگەرى ج. بەكشين قۇربان ايت مەرەكەسىندە قۇرباندىق شالۋ بويىنشا ءىس-شارالاردى ۇيىمداستىرۋ ءارى وتكىزۋدىڭ ەرەجەلەرى تۋرالى حابارلادى.
الماتىدا سانيتارلىق-ەپيدەميولوگيالىق جاعداي كۇردەلى. ناۋقاستار سانىنىڭ وسۋىنە مۋتاسيالانعان دەلتا شتامىنىڭ بولۋى اسەر ەتۋدە. وسىعان وراي قۇربان ايت مەرەكەسى بيىل 20 شىلدەدە ونلاين فورماتتا وتەدى.
ەسكە سالساق، الماتى قالاسى اكىمىنىڭ ورىنباسارى ەرجان باباقۇماروۆ قۇربان ايت مەرەكەسىنە قاتىستى وتكەن كەڭەستە قالالىق باسقارمالار مەن اۋدانداردىڭ اكىمدىكتەرىنە، ۆەتەرينارلىق جانە ءتيىستى قىزمەتتەرگە مەرەكە كەزىندە ينفەكسيانىڭ الدىن-الۋ جانە كارانتيندىك شەكتەۋلەردىڭ ساقتالۋىنا باقىلاۋدى كۇشەيتۋ جونىندە قاجەتتى شارالار قابىلداۋدى تاپسىردى.
قۇربان ايت مەرەكەسى كەزىندە كۆي-دىڭ ودان ءارى تارالۋىنا جول بەرمەۋ ءۇشىن الماتىنىڭ باس مەملەكەتتىك سانيتارلىق دارىگەرى جانداربەك بەكشين جەرگىلىكتى مەملەكەتتىك ورگانداردىڭ وكىلدەرى مەن الماتى قالاسى ورتالىق مەشىتىنىڭ باس يمامىنا قۇربان ايت مەرەكەسى كەزىندە قاتاڭ كارانتيندىك شارالاردى ساقتاۋدى تاپسىردى.
"قالادا كوروناۆيرۋس ينفەكسياسىنىڭ كۇرت ورشۋىنە بايلانىستى ادام كوپ جينالاتىن ءىس-شارالاردى، ونىڭ ىشىندە ۇيىمداردا، سونداي-اق جەكە مەنشىك ءۇي مەن مەدرەسەلەردە ايت نامازىن وتكىزۋگە تىيىم سالىنادى"، – دەدى جانداربەك بەكشين.
الماتى قالاسى ورتالىق مەشىتىنىڭ يمامى و. تولەبيدىڭ ايتۋىنشا، كۇردەلى ەپيدەميولوگيالىق جاعدايعا بايلانىستى قالا مەشىتتەرىندە قۇربان ايت نامازى وقىلمايدى.
"ايت نامازىنىڭ ورنىنا ۇيدە ەكى راكات ءناپىل نامازىن وقۋ ۇسىنىلادى"، – دەدى يمام.
قۇرباندىق شالۋ ءراسىمى qurban2021.kz سايتىنا تاپسىرىس بەرە وتىرىپ، ونلاين رەجيمدە وتەدى. الماتى قالاسىنىڭ باس يمامى وسپان تولەبيدىڭ ايتۋىنشا، قۇرباندىق شالۋ راسىمىنە وتىنىمدەر 15ء-ى مەن 22 شىلدە ارالىعىندا ساعات 14.00-گە دەيىن قابىلدانادى.
"بيىل الماتى قالاسىندا قۇربان ايت مەرەكەسى كەزىندە 1108 ۇساق جانە 50 ءىرى قارا مال قۇرباندىققا شالىنادى دەپ جوسپارلانۋدا. قۇرباندىق ەتى 5 545 مۇقتاج وتباسى مەن 14 مەكەمەگە بولىنەدى"، – دەدى و. تولەبي.
سوVID-19 ەپيدەمياسى جاعدايىندا قۇربان ايت مەرەكەسىن ۇيىمداستىرۋ ماسەلەلەرىن حالىققا ءتۇسىندىرۋ ماقساتىندا ورتالىق مەشىتىمەن بىرلەسىپ Call-ورتالىقتىڭ جۇمىسى ۇيىمداستىرىلدى. قۇربان ايتقا قاتىستى بارلىق سۇراقتار بويىنشا مىنا نومىرلەرگە حابارلاسۋعا بولادى: 8 (727) 329 09 66، 8 778 382 88 36 نەمەسە WhatsApp ءنومىرى بويىنشا – 8 775 475 00 83.
ەسكە سالساق، باس مەملەكەتتىك سانيتارلىق دارىگەردىڭ قاۋلىسىنا سايكەس، الماتى اۋماعىندا 19-ى مەن 22 شىلدە ارالىعىندا مال سويۋ سەحى مەن بازارلاردىڭ جۇمىس ىستەۋىنە تىيىم سالىنعان. سونداي-اق مالدى سويۋعا، ونى اۆتوكولىكتەر مەن جەكە ءۇي يەلەرىنەن ساتۋعا تىيىم سالىنادى. ءبىر ەرەكشەلىگى الماتى قالاسىنىڭ ورتالىق مەشىتىندە بەلگىلەنگەن ونلاين رەجيمىندە قۇرباندىق شالىنادى.
ونلاين رەجيمدە قۇرباندىق شالۋدى جۇزەگە اسىرۋ ءۇشىن قالا اۋماعىنا جانۋارلاردىڭ اكەلىنۋىنە جول بەرمەۋ ءۇشىن الماتى ايماعىنىڭ كىرەبەرىستەرىنە بەكەتتەر ورناتىلادى.
مۇقتاج ادامدارعا قۇرباندىققا شالىنعان مالدىڭ ەتىن تاراتۋ ءۇشىن ارنايى ادامدار جەكە قورعانىش قۇرالدارىمەن قامتاماسىز ەتىلەدى. تەز بۇزىلاتىن ونىمدەردى، سونىڭ ىشىندە قۇرباندىققا شالىنعان مالدىڭ ەتىن تاسىمالداۋ جانە ساقتاۋ جونىندەگى سانيتارلىق-ەپيدەميولوگيالىق ەرەجەلەر قاتاڭ ساقتالادى.
15 شىلدەدە كوروناۆيرۋس ينفەكسياسىنىڭ 885 جاعدايى تىركەلدى. ونىڭ 780ء-ى سيمپتومسىز جانە 105ء-ى سيمپتومدى. ينفەكسيالىق ستاسيونارلاردا 2 292 ادام، ونىڭ ىشىندە 181 بالا جاتىر. رەانيماسيا جانە قارقىندى تەراپيا بولىمشەلەرىندە 132 ناۋقاس بار. سونداي-اق 27 – ءوجج، 39 - ءينۆازيۆتى ەمەس ءوجج، 61 High flow اپپاراتى قوسىلعان.
بۇگىندە ۇيدە بمسك جانە تەلەمەديسينا ورتالىعىنىڭ ءموبيلدى بريگادالارىنىڭ باقىلاۋىندا 4 326 ناۋقاس بار، سيمپتومدى جەڭىل جانە ورتاشا دارەجەسى بار - 3958، ال سيمپتومسىز – 368 ادام بار.
الماتى ورتالىق مەشىتى مەن قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ وكىلدەرى قۇربان ايت مەرەكەسىن وتكىزۋدىڭ بەلگىلەنگەن ەرەجەلەرىن قاتاڭ ساقتاۋعا شاقىردى. قاسيەتتى قۇرباندىق شالۋ ءراسىمى كوروناۆيرۋس ينفەكسياسىنىڭ ودان ءارى ءورشىپ، تارالماۋىنا توسقاۋىل بولۋى كەرەك.
پىكىر قالدىرۋ