كاسىبي تەننيسشىلەر قاۋىمداستىعى (اتر) مەن ايەلدەر تەننيسى قاۋىمداستىعى (WTA) الەمدىك رەيتينگتى جاڭارتتى دەپ، حابارلادى Olympic.kz.
"قازاقستان كومانداسىنىڭ ۇزدىگى الەكساندر بۋبليك 39-ورنىن ساقتاپ قالدى. ميحايل كۋكۋشكين بەس ساتىعا سىرعىپ، 132-ورىنعا تۇراقتادى.
ەرلەر اراسىندا نوۆاك دجوكوۆيچ (سەربيا) كوش باستاپ تۇر. ەكىنشى ورىندا رەسەيلىك دانييل مەدۆەديەۆ، ءۇشىنشى ساتىدا يسپاندىق رافاەل نادال.
قازاقستان ايەلدەر كومانداسىنىڭ ۇزدىگى ەلەنا رىباكينا 20-ورىندا. يۋليا پۋتينسيەۆا 35-ساتىعا ورالسا، زارينا دياس توپ-100 قاتارىنان شىعىپ قالدى" دەلىنگەن حابارلامادا.
ايەلدەر رەيتينگىندە اۆستراليالىق ەشلي بارتي كوش باستاپ تۇر. ەكىنشى ورىندا جاپونيالىق ناومي وساكا، ءۇشىنشى ساتىدا بەلارۋس وكىلى ارينا سوبولەنكو ورنالاسقان.
پىكىر قالدىرۋ