نەمىس ماماندارى تەز تارالاتىن جانە "كوۆيدتەن دە ءقاۋىپتى" دەپ سيپاتتالعان رەسپيراتورلىق سينسيتيالدى ۆيرۋس (رسۆ) تۋرالى ەسكەرتتى.
گەرمانيانىڭ ەڭ ءىرى بالالار ەمحاناسى – شتۋتگارت كلينيكاسىنداعى ولگاگوسپيتال سوڭعى ەكى اپتادا رەسپيراتورلىق اۋرۋلار ينفەكسياسىنىڭ كوبەيۋى تۋرالى مالىمدەدى. ينفەكسياعا بايلانىستى اۋرۋحاناعا تۇسكەن بالالاردىڭ سانى ادەتتەگى ماۋسىمدىق كورسەتكىشپەن سالىستىرعاندا ەكى ەسە وسكەن.
شتۋتگارت كلينيكاسىنىڭ باسقارما ءتوراعاسى يان ستەففەن يۋرگەنسەن "جەدەل جاردەم بولمەسىنە كەلەتىن بالالار سانى كۇرت ارتتى. بۇرىن ادەتتە كۇنىنە 70-كە جۋىق بالا كەلەتىن. جاقىندا اۋرۋحانادا ءبىر كۇندە 130-عا جۋىق بالا قابىلداندى" دەپ ەسكەرتۋ جاسادى.
بالالار جۇقپالى اۋرۋلار بويىنشا نەمىس قوعامىنىڭ ءتوراعاسى توبياس تەنەنباۋم يۋرگەنسەننىڭ پىكىرىنشە، بۇل اۋرۋ – كوۆيد-19-دان الدەقايدا ءقاۋىپتى، اسىرەسە جاس بالالار ءۇشىن ءقاۋىپتى.
كارانتين شەكتەۋەرىنىڭ جەڭىلدەۋى ءقاۋىپتى جۇقپالى اۋرۋلاردىڭ تەز تارالۋىنا جول اشتى.
بۇل اۋرۋلاردىڭ كەيبىرەۋلەرى رەسپيراتورلىق سينسيتيالدى ۆيرۋستىڭ قوزدىرعىشتارى.
كوپتەگەن ادامدار ەكى اپتانىڭ ىشىندە ساۋىعىپ كەتەدى، ءبىراق ۆيرۋس اسىرەسە نارەستەلەر مەن قارت ادامدار ءۇشىن اۋىر بولۋى مۇمكىن.
بۇعان دەيىن، شۆەيساريادا، يزرايلدە جانە اقش-تا "رس" ۆيرۋسىن جۇقتىرعان نارەستەلەر مەن سابيلەردىڭ سانى كۇرت وسكەنى حابارلانعان.
پىكىر قالدىرۋ