توكيو وليمپياداسىندا بوكستان قازاقستان كومانداسىنىڭ تاعى ءبىر وكىلى ساكەن بيبوسىنوۆ جارتىلاي فينالعا شىقتى. بۇل تۋرالى Olympic.kz سايتى حابارلادى. 

"شيرەك فينالدا ساكەن بيبوسىنوۆ يسپانيالىق گابريەل ەسكوبارمەن كەزدەسكەن. وتە تارتىستى وتكەن جەكپە-جەكتە قازاقستاندىق بوكسشى 3:2 ەسەبىمەن جەڭىسكە جەتتى. ءبىرىنشى راۋندتا ساكەننىڭ جويقىن سوققىسىنان كەيىن قارسىلاسى نوكداۋن الدى. 

تورەشىلەر ءبىرىنشى راۋندتاعى جەڭىستى بيبوسىنوۆقا، ەكىنشى راۋندتاعى باسىمدىقتى ەسكوبارعا بەردى. ال شەشۋشى كەزەڭدە قارسىلاسىنا سوققىلارىن ءدال تيگىزگەن ساكەن بيبوسىنوۆ جەڭىسكە جەتتى" دەلىنگەن حابارلامادا. 

وسىلايشا، ساكەن وليمپيادا ويىندارىنىڭ جارتىلاي فينالىنا شىعىپ، كەم دەگەندە قولا جۇلدەگەرلەر قاتارىنا قوسىلىپ وتىر. 

بيبوسىنوۆ فينال جولداماسى ءۇشىن تالاستا بريتانيالىق دجامال يافايمەن جۇدىرىقتاسادى.