جامبىل وبلىسىنىڭ اكىمى بەردىبەك ساپاربايەۆتىڭ ورىنباسارى ۇلان جازىلبەك 58 جاسىندا دۇنيەدەن ءوتتى. قارالى حاباردى ءوڭىر اكىمدىگىنىڭ وكىلدەرى راستادى.
"ۇلان جازىلبەك تىنىس الۋ جەتىسپەۋشىلىگىنەن قايتىس بولدى" دەلىنگەن اكىمدىك تاراتقان حابارلامادا.
ۇلان جازىلبەك بىلتىر مامىردان باستاپ جامبىل وبلىسى اكىمىنىڭ ورىنباسارى قىزمەتىن اتقارعان. ونىڭ الدىندا 2017 جىلدىڭ قاراشاسىنان باستاپ پاۆلودار وبلىسى اكىمىنىڭ ءبىرىنشى ورىنباسارى بولعان.
ۇلان جازىلبەك – 1962 جىلى دۇنيەگە كەلگەن. 1984 جىلى الماتى ساۋلەت-قۇرىلىس ينستيتۋتىن "ينجەنەر-قۇرىلىسشى" ماماندىعى بويىنشا جانە 2009 جىلى د. ا. قونايەۆ اتىنداعى ۋنيۆەرسيتەتىن "زاڭگەر"ماماندىعى بويىنشا ءتامامداعان.
⠀
ول ەڭبەك جولىن 1984 جىلى الماتى ءۇي قۇرىلىسى كومبيناتىندا شەبەر، پروراب، اعا پروراب بولىپ باستاعان.
1992-2005 جىلدارى جەكە سەكتوردا جانە كوممەرسيالىق ۇيىمداردا باسشىلىق لاۋازىمدارىندا، 2005-2008 جىلدارى الماتى قالاسى مەملەكەتتىك ساۋلەت – قۇرىلىس باقىلاۋ دەپارتامەنتىنىڭ باس مامانى، ساۋلەت-قۇرىلىس باقىلاۋ ءبولىمىنىڭ باستىعى بولىپ ىستەگەن.
پىكىر قالدىرۋ