الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى سوڭعى اپتادا "قىزىل" ستاتۋسى بولا تۇرا كارانتيندى بۇزعانداردىڭ جاڭا ءتىزىمىن جاريالادى.

بۇل جولى 14 كۇندىك ءۇي كارانتينىن بۇزعانى "Ashyq" قوسىمشاسى ارقىلى انىقتالعان تۇرعىندارعا 30 اەك كولەمىندە ايىپپۇل سالىنعان (شامامەن 87 مىڭ تەڭگە – رەد). ونىڭ ىشىندە ەكى تۇرعىن ەكى رەت قايتالاپ ەرەجە بۇزعان.

سانيتارلىق-ەپيدەميولوگيالىق قىزمەت باسشىسىنىڭ ورىنباسارى تىزىمگە نەگىزىنەن ستۋدەنتتەر، ءبىلىم بەرۋ، مەديسينا، بانك سەكتورى، ونەركاسىپتىك كاسىپورىندار، ساۋدا جانە كەڭسە قىزمەتكەرلەرى كىرگەنىن ايتتى. ولار كوبىنەسە مەيرامحانا، كافە، فيتنەس-ورتالىعى، بازار، اۋەجاي، ۋنيۆەرسيتەت، ساۋدا نىسانىنا كىرۋگە تىرىسقان.

جاسىل بازاردىڭ وزىندە شىلدەدەن باستاپ "قىزىل" ستاتۋسى بار، ياعني پتر-سىناماسى وڭ ناتيجە كورستكەن 31 تۇرعىن انىقتالعان.