جىل باسىنان بەرى 110 قىلمىستىق ءىس تىركەلگەن، ونىڭ 60-ى پتر انىقتاماسىن، 50ء-ى ۆاكسينالاۋ پاسپورتىن قولدان جاساۋعا قاتىسقان، دەپ حابارلادى Polisia.kz سايتى. 

– جالعان مەديسينالىق قۇجاتتاردى ۇسىنۋدىڭ تۇتاس سحەمالارى انىقتالدى. كەيبىر تۋروپەراتورلار جالعان ۆاكسيناسيا پاسپورتتارىن شىعارۋمەن جانە ساتۋمەن اينالىسقان. سونىمەن قاتار ولاردى تەمىرجول ۆوكزالدارىندا، اۋەجايلاردا جانە مەملەكەتتىك شەكارانىڭ وتكىزۋ پۋنكتتەرىندە ىسكە اسىرۋ فاكتىلەرىنىڭ جولى كەسىلدى، – دەدى ىشكى ىستەر ءمينيسترى ەرلان تۇرعىمبايەۆ. 

پتر انىقتاماسىن جانە جالعان ۆاكسينالاۋ پاسپورتىن قولدان جاساعانى ءۇشىن 28 ادام، ونىڭ ىشىندە 20 مەديسينا قىزمەتكەرى (6 دارىگەر، 14 مەديسينا قىزمەتكەرى) جانە 8 دەلدال ۇستالعان.

سونداي-اق الەۋمەتتىك جەلىلەردە جالعان ۆاكسينالاۋ پاسپورتتارى مەن پتر انىقتاماسى ساتىلاتىنى تۋرالى 70 جارناما انىقتالعان، ونىڭ 37ء-سى ءقازىردىڭ وزىندە بۇعاتتالعان.

4 قىلمىستىق ءىس بويىنشا ۇكىم شىعارىلعان. 43 قىلمىستىق ءىستى تەرگەۋ مەن ساراپتامالىق زەرتتەۋ جۇمىستارى جۇرگىزىلىپ جاتىر.