الماتىنىڭ باس سانيتار بارىگەرى جانداربەك بەكشين قالادا مەكتەپ وقۋشىلارىنا وففلاين رەجيمىندە ءقاۋىپسىز وقۋعا مۇمكىندىك بەرۋ ءۇشىن قابىلدانعان شارالار تۋرالى ايتتى. بۇل تۋرالى zakon.kz حابارلادى.

– ءبىز مەملەكەت باسشىسىنىڭ وقۋشىلاردىڭ وففلاين رەجيمىندە وقۋى كەرەك دەگەن تاپسىرماسىن ورىنداۋعا قۇلىقتىمىز. ول ءۇشىن، ەڭ الدىمەن، ولاردىڭ ءقاۋىپسىز ورتاسىن قامتاماسىز ەتۋىمىز كەرەك. ءارى ءبىز بۇل باعىتتا جۇمىس جاساپ جاتىرمىز، - دەدى بەكشين.

قالانىڭ باس سانيتار دارىگەرى بىرىنشىدەن، Ashyq جوباسى مەگاپوليستىڭ بارلىق مەكتەپتەرىنە ەنگىزىلىپ جاتقانىن ايتتى. بۇل جۇقتىرعان كۆي نەمەسە كۆي-مەن اۋىراتىن ناۋقاستارمەن بايلانىستا بولعانداردىڭ وقۋ ورىندارىنا كىرۋىنە جول بەرمەۋ ءۇشىن جاسالادى.

بۇگىندە "اتامەكەن" پالاتاسىنىڭ مالىمەتى بويىنشا، مەكتەپتەر مەن مەكتەپكە دەيىنگى مەكەمەلەردىڭ 100% QR كود الدى جانە 1 قىركۇيەكتەن باستاپ "Ashyq" قوسىمشاسى جاعدايىندا جۇمىس جاساۋعا دايىن.

– ەكىنشى قورعانىس جەلىسى - وقۋشىلار جينالاتىن جەرلەردە - اسحانالاردا، جۋىناتىن بولمەلەردە رەسيركۋلياتورلاردى ەنگىزۋ. ءبىز بۇل ماسەلەنى مەكتەپ اكىمشىلىگىمەن قاراستىرىپ جاتىرمىز جانە ونى اتا -انالار كوميتەتىمەن تالقىلايتىن بولامىز. ءۇشىنشى جول - سىنىپتاردا اۋانى تازارتاتىن زارارسىزداندىرۋ قۇرالدارىن ورناتۋعا بولادى. بۇل - جاپوندىق يننوۆاسيالىق قۇرىلعىلار. ولار قازاقستانعا الدىرتىلدى.

زارارسىزداندىرۋ قۇرالى دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىمەن سەرتيفيكاتتالعان، سىنالعان جانە تىركەلگەن. ەگەر بۇل باعدارلاما بەكىتىلسە، ءبىز ونى جۇزەگە اسىرامىز، – دەدى الماتى قالاسىنىڭ باس سانيتار دارىگەرى.

ول ءوز ۆەدومستۆا جۇمىسى قالادا وقۋشىلاردىڭ ءقاۋىپسىز ءبىلىم الۋىن قامتاماسىز ەتۋگە ەرەكشە باسىمدىق بەرەتىنىن اتاپ ءوتتى.

– ءبىز بالالارىمىزدىڭ ءقاۋىپسىز ورتادا وقۋىن قامتاماسىز ەتۋ ءۇشىن مۇقيات دايىندالىپ جاتىرمىز. ءبىز ولاردى بيىل وفلاين رەجيمدە ءبىلىم الۋىن قامتاماسىز ەتۋىمىز كەرەك. ءبىر جىلدان بەرى بالالار قاشىقتان وقىپ جاتىر، بۇل، ارينە، ءبىلىم ساپاسىنا اسەر ەتەدى، – دەدى بەكشين.