پرەزيدەنت قاسىم-جومارت توقايەۆ توكيودا وتكەن وليمپيادا ويىندارىنا قاتىستى الەۋمەتتىك جەلىدەگى پاراقشاسىندا پىكىر ءبىلدىردى.
– قازاقستاننان 93 سپورتشى قاتىستى. جەڭىسكە جەتۋ جولىندا بار كۇش-جىگەرى مەن شەبەرلىگىن كورسەتكەن اتلەتتەرگە العىسىمدى بىلدىرەمىن. وليمپيادانىڭ قولا جۇلدەگەرلەرىن قۇتتىقتايمىن. بۇل ۇزاق ۋاقىت بويى جۇرگىزگەن تاباندى جاتتىعۋلاردىڭ جاقسى ناتيجەسى، – دەدى مەملەكەت باسشىسيا.
توقايەۆتىڭ ايتۋىنشا، ۇلتتىق قۇرامنىڭ وليمپياداداعى كورسەتكىشى سپورت سەكىلدى اسا ماڭىزدى سالادا شۇعىل ءارى ءتيىمدى رەفورمالار جۇرگىزۋ قاجەت ەكەنىن كورسەتكەن.
پرەزيدەنت ءوز سوزىندە بۇقارالىق جانە بالالار سپورتىن دامىتۋعا كوڭىل ءبولىپ، سول ارقىلى الەمدىك ارەنادا ۇلكەن تابىستارعا قول جەتكىزۋگە ۇمتىلۋ قاجەتتىگىن اتاپ ءوتتى.
– الايدا، 8 قولا مەدال الىپ، جالپى كوماندالىق ەسەپتە 83-ورىنعا تابان تىرەگەن ۇلتتىق قۇرامانىڭ بۇل كورسەتكىشى قازاقستاننىڭ سپورتتاعى الەۋەتىنە جانە مەملەكەت تاراپىنان سپورتتى دامىتۋعا ءبولىنىپ وتىرعان مول قاراجاتقا سايكەس كەلمەيدى.
توكيو وليمپياداسىنان ساباق الىپ، پاريجدە وتەتىن كەلەسى ويىنداردا حالىق ءۇمىتىن اقتايتىنداي ناتيجەگە قول جەتكىزۋ كەرەك، – دەپ قاسىم-جومارت توقايەۆ ءسوزىن تۇيىندەدى.
