بيىلعى جىلدىڭ 1 شىلدەسىندە قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «شاپاعات» الەۋمەتتىك قىزمەتتەر كورسەتۋ ورتالىعى جانىنان «Ten qogam» الەۋمەتتىك كەڭەس بەرۋ سەكتورى اشىلعان بولاتىن. وسى ۋاقىت ارالىعىندا ورتالىق قىزمەتكەرلەرى 1683 مۇمكىندىگى شەكتەۋلى ازاماتقا ءتۇرلى قىزمەت كورسەتكەن. 

اتاپ ايتقاندا، ورتالىق ماماندارى الەۋمەتتىك قىزمەتتەر پورتالى ارقىلى كورسەتىلەتىن قىزمەت تۇرلەرىنە كومەك بەرۋ، مۇگەدەكتىگى بار قىزمەتكەرلەردى جۇمىسقا قابىلداۋ بويىنشا كەڭەستەر بەرۋ، ساناتوريي-كۋرورتتىق ەمدەلۋگە جولداما الۋ، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋعا قۇجاتتار تاپسىرۋ، جەكەلەي سۇيەمەلدەۋ جانە ت.ب. قىزمەتتەر بويىنشا كومەك كورسەتكەن.

ايتا كەتسەك، شىمكەنت قالاسى بويىنشا مۇمكىندىگى شەكتەۋلى جاندار سانى – 36 919. ونىڭ ىشىندە، I توپ – 3326 ادام، II توپ – 14 846 ادام، III توپ – 12 287 ادام، 16 جاسقا دەيىنگى بالالار – 6460 ادام تىركەلگەن.