جاپونيانىڭ وڭتۇستىك-باتىسىندا نوسەر سالدارىنان ءۇش ميلليونعا جۋىق ادام ەۆاكۋاسيالاندى. بۇل تۋرالى NHK تەلەارناسى مالىمدەدى.
ايماقتا بىرنەشە كۇن تولاسسىز جاۋعان جاۋىن-شاشىن تاسقىنعا ۇلاسقان. كەي جەرلەردە لاي كوشكىنى باستالعان.
بەيرەسمي اقپاراتتارعا سايكەس، تابيعات اپاتىنان 4 ادام قايتىس بولعان. تاعى بىرنەشە تۇرعىننىڭ تاعدىرى بەيمالىم.
جەرگىلىكتى بيلىك اپاتتى دەپ تانىلعان ايماقتاردان 3 ملن تۇرعىندى ەۆاكۋاسيالاۋ تۋرالى شەشىم قابىلداعان. ماماندار حالىقتى بارىنشا ساق بولۋعا شاقىرىپ وتىر. ءقازىر ايماقتا قاۋىپتىلىكتىڭ جوعارعى دەڭگەيى جاريالاندى. اپاتتان زارداپ شەككەندەر ءۇشىن ارنايى ورتالىق اشىلدى.
پىكىر قالدىرۋ