پاۆلودار وبلىسىندا جول ساپاسىنىڭ ناشار بولۋىنا بايلانىستى 21 اۋىل اكىمى جاۋاپقا تارتىلادى. بۇل تۋرالى Pavlodarnews.kz. سايتى حابارلادى. 

– پاۆلودار وبلىسىندا اۆتوموبيل جولدارىنىڭ جالپى ۇزىندىعى 5 441،1 شاقىرىم. جىل باسىنان بەرى اۆتوجولدارعا 890 زەرتتەۋ جۇرگىزىلدى، 2 027 اقاۋ انىقتالدى. 140 لاۋازىمدى جانە زاڭدى تۇلعا اكىمشىلىك جاۋاپكەرشىلىككە تارتىلدى. ونىڭ ىشىندە 21 اۋىل جانە اۋىلدىق وكرۋگ اكىمى جازالاندى، – دەدى اكىمشىلىك پوليسيا باسقارماسىنىڭ باستىعى نۇرجان تاڭاتاروۆ.

21 اكىمنىڭ 18ء-ى اكىمشىلىك قۇقىقبۇزۋشىلىق تۋرالى زاڭنىڭ 630، 631 جانە 632-باپتارى (جول، جەراستى كوممۋنيكاسيالاردى قاراۋ قۇدىقتارىن كۇتىپ-ۇستاۋ جونىندەگى تالاپاردى ورىنداماۋ) بويىنشا، ال 3 اكىم اكىمشىلىك قۇقىقبۇزۋشىلىق تۋرالى زاڭنىڭ 420-بابى (جابايى سورانى جويۋعا شارا قولدانباۋ) بويىنشا جاۋاپكەرشىلىككە تارتىلعان.

ولارعا جالپى سوماسى 4 ميلليون تەڭگەدەن استام ايىپپۇل سالىندى.