اۋعانستان پرەزيدەنتى اشراف عاني تالىپتەر ەل استاناسى كابۋلعا كىرگەننەن كەيىن ەلدەن قاشىپ كەتتى. بۇل تۋرالى Reuters اقپارات اگەنتتىگى حابارلادى.
2014 جىلدان بەرى ەل پرەزيدەنتى بولعان عاني كەشە الەۋمەتتىك جەلىلەردە پرەزيدەنت رەتىندە ءوز وتانىن تاليباننان قورعاۋدى جالعاستىراتىنىن مالىمدەگەن بولاتىن.
اۋعانستان ۇلتتىق تاتۋلاسۋ جوعارعى كەڭەسىنىڭ پرەزيدەنتى ابدۋللا ابدۋللاھ الەۋمەتتىك جەلىدەگى اككاۋنتىندا ۆيدەو ارقىلى ەل پرەزيدەنتى ءعانيدىڭ ەلدەن كەتكەنىن راستادى.
– ول اۋعانستاننان قيىن ۋاقىتتا كەتتى. اللا ونى جاۋاپقا تارتادى، – دەدى ول.
تالىپتەردىڭ ەلدەگى ۇستەمدىگى
اقش پەن تالىپتەر 2020 جىلى بەيبىت كەلىسىمگە كەلگەن. وعان ساي حالىقارالىق كۇشتەر اۋعانستاننان شىعۋعا ءتيىس بولعان. پروسەسس بيىل باستالدى.
كەلىسىم شەتەلدىك كۇشتەرگە شابۋىل جاساماۋدى كوزدەيدى، ءبىراق تالىپتەردىڭ اۋعانستان قاۋىپسىزدىك كۇشتەرىنە قارسى ارەكەتىنە قاتىستى ەشقانداي ەرەجە ەنگىزبەگەن.
تالىپتەر اۋعانستاندى قالاي باسىپ الدى؟
دوحاداعى اۋعانستان ۇكىمەتىمەن كەلىسسوزدەردى جالعاستىرا وتىرىپ، تالىپتەر ماۋسىمنان بەرى اۋعانستاننىڭ كوپتەگەن اۋداندارى مەن پروۆينسيالارىنىڭ ورتالىقتارىن باسىپ الدى.
ەل استاناسى كابۋلدى قورشاپ العاننان كەيىن ولار ۇكىمەتكە اكىمشىلىك پەن استانانى بەيبىت جولمەن بەرۋگە شاقىردى.
پىكىر قالدىرۋ