پرەزيدەنت قاسىم-جومارت توقايەۆ اۋعانستاندا قالىپتاسقان جاعدايعا بايلانىستى جيىن وتكىزدى. بۇل تۋرالى پرەزيدەنتتىڭ باسپا ءسوز حاتشىسى بەرىك ۋالي حابارلادى.
جيىندا اۋعانستان يسلام رەسپۋبليكاسىنداعى جاعدايعا بايلانىستى شۇعىل ارەكەت ەتۋ شارالارى جانە قازاقستان ازاماتتارىنىڭ قاۋىپسىزدىگىن قامتاماسىز ەتۋ ماسەلەلەرى ايتىلعان.
"پرەزيدەنت قۇزىرلى مەكەمەلەرگە اۋعانستانداعى جاعدايدى جان-جاقتى باقىلاۋدا ۇستاۋدى تاپسىردى. بۇل وسى ەلمەن بۇدان بىلايعى ىنتىماقتاستىق بويىنشا شەشىم قابىلداۋ ءۇشىن اسا ماڭىزدى ەكەنىن ەسكەرتتى.
"پرەزيدەنت قۇزىرلى مەكەمەلەرگە اۋعانستانداعى جاعدايدى جان-جاقتى باقىلاۋدا ۇستاۋدى تاپسىردى. بۇل وسى ەلمەن بۇدان بىلايعى ىنتىماقتاستىق بويىنشا شەشىم قابىلداۋ ءۇشىن اسا ماڭىزدى ەكەنىن ەسكەرتتى.
كۇنى كەشە 15 تامىزدا پرەزيدەنت توقايەۆ كۇشتىك قۇرىلىمداردىڭ باسشىلارىمەن جيىن وتكىزىپ، اۋعان يسلام رەسپۋبليكاسىنداعى ازاماتتارىمىز بەن ديپلوماتتارىمىزدىڭ قاۋىپسىزدىگىن قامتاماسىز ەتۋ جونىندە تاپسىرما بەرگەن بولاتىن.
وسىعان وراي، سىرتقى ىستەر مينيسترلىگى اۋعانستاندا ديپلوماتتاردان باسقا قازاقستان ازاماتتارى جوق ەكەنىن، بۇگىنگى كۇنى قازاقستان ەلشىلىگى كابۋلدا جۇمىسىن جالعاستىرىپ جاتقانىن حابارلادى" دەلىنگەن اقپاراتتىق حابارلامادا.
15 تامىز كۇنى تالىپتەر اۋعانستان بيلىگى مەن كابۋلدى باسىپ العان. پرەزيدەنت اشراف گاني ەلدەن كەتىپ، جۇبايىمەن بىرگە وزبەكستان ارقىلى وماندا ەكەنى بەلگىلى بولدى.
تاليبان – قازاقستان، رەسەي مەن وزگە ەلدەردە تىيىم سالىنعان تەرروريستىك ۇيىم.
پىكىر قالدىرۋ