الماتى قالاسىنىڭ باس سانيتار دارىگەرى جانداربەك بەكشين كارانتين شارالارىنا بايلانىستى جاڭا قاۋلى جاريالادى.

قاۋلىعا سايكەس، شەكتەۋ شارالارى 17 تامىزدان باستاپ 31 تامىزعا دەيىن ۇزارتىلدى.

اتالعان ۋاقىت ارالىعىندا Ashyq جوباسى بويىنشا جۇمىس ىستەيتىن كاسىپورىندار 22:00-گە دەيىن جۇمىس ىستەيدى. ال Ashyq جوباسىنا قاتىسپايتىن كاسىپورىنداردىڭ قىزمەتىنە تىيىم سالىنادى.

دەمالىس جانە مەرەكە كۇندەرى ويىن-ساۋىق پاركتەرىنىڭ، اتتراكسيونداردىڭ، تاماقتانۋ ورىندارىنىڭ جۇمىسى توقتاتىلادى. كاسىپورىندارعا Ashyq-قا قاتىسقانىنا قاراماستان  جۇمىس جاساۋعا رۇقسات جوق. 

سوڭعى 3 ايدا تۇراقتى مەديسينالىق كورسەتىلىمدەرى بار جانە اۋىرىپ جازىلعان ادامداردى قوسپاعاندا، اۋدان اكىمدەرى، الماتى قالاسىنىڭ ءبىلىم باسقارماسى، جوو جانە ورتا ءبىلىم بەرۋ ورىندارى، جەكەمەنشىك مەكتەپ جانە بالاباقشا باسشىلارى، ستۋدەنتتەر مەن جوو قىزمەتكەرلەرى، پەداگوگتەر مەن تەحنيكالىق پەرسونالدىڭ، جاتاحانالار مەن اسحانا پەرسونالى 100 پايىز ۆاكسيناسيالانۋى قاجەت. 

سونداي-اق وقۋ ورىندارى مەن مەكتەپكە دەيىنگى ۇيىمدارعا قويىلاتىن جاڭا تالاپتار بەلگىلەندى:

- بارلىق ءبىلىم بەرۋ مەكەمەلەرىندە Ashyq جۇيەسىن ەنگىزۋ؛

- باستاۋىش، ورتا جانە جوعارى سىنىپ بالالارىنا ارنالعان بولەك كىرۋ ەسىكتەرىن ۇيىمداستىرۋ؛

- بارلىق قىزمەتكەرلەر مەن ءبىلىم الۋشىلاردىڭ كۇندەلىكتى تاڭەرتەڭگى سۇزگىسىن جاساۋ؛

- بۇقارالىق ءىس-شارالاردى وتكىزۋگە تىيىم سالۋ؛

- كابينەتتىك وقىتۋ جۇيەسىن جويۋ؛

- ءار ۋاقىتتا باستاۋىش، ورتا جانە جوعارى سىنىپ وقۋشىلارىنىڭ اۋىسۋىن ۇيىمداستىرۋ؛

- سىنىپتا، توپتا كوروناۆيرۋستىق ينفەكسيامەن اۋىرعان ءبىرىنشى جاعدايدا، سونداي-اق وتباسى مۇشەلەرىنىڭ اۋرۋى كەزىندە وقۋشىلاردى وقىتۋدىڭ ونلاين-فورماتىنا اۋىستىرۋ؛

قاۋلى 2021 جىلعى 17 تامىزدان باستاپ كۇشىنە ەنەدى.