اۋعانستانداعى العاشقى ايەل اكىم زاريفا گافاري تاليبان كابۋلدى باسىپ العاننان كەيىنگى قورقىنىشى تۋرالى ايتتى. بۇل تۋرالى Son Dakika باسىلىمى جازدى.
زاريفا گافاري 2018 جىلى مەيدان-ي ۆارداك پروۆينسياسىنىڭ ەڭ جاس ايەل مەرى.
تاليباندار گافاريعا ءجيى قاستاندىق جاساعان
تاليبان گافاريدى ءجيى قورقىتىپ، بىرنەشە رەت قاستاندىق جاساماق بولعان. قاۋىپ-قاتەر كۇشەيگەن سايىن گافاريعا كابۋلداعى قورعانىس مينيسترلىگىنىڭ كۇزەتىندە جاڭا جۇمىس بەرىلدى.
"ءۇش اپتا بۇرىن ۇلكەن ءۇمىتىم بولدى"
تاليبان كابۋلعا كىرەردەن ءۇش اپتا بۇرىن زاريفا گافاري مايكل دەيگە بەرگەن سۇحباتىندا ول ءالى دە اۋعانستاننىڭ بولاشاعىنا ۇمىتپەن قارايتىنىن ايتقان بولاتىن.
– جاستار نە بولىپ جاتقانىن بىلەدى. ولاردا الەۋمەتتىك جەلىلەر بار. سول ارقىلى بىر-بىرلەرىمەن سويلەسىپ، قالايدا پروگرەسس ءۇشىن جانە ءبىزدىڭ قۇقىقتارىمىز ءۇشىن كۇرەسەدى، –دەگەن ەدى گافاري.
"تاليباننىڭ كەلۋىن كۇتىپ وتىرمىن"
الايدا تاليبان كابۋلعا كىرگەندە گافاريدىڭ الاڭداۋشىلىعى ارتا ءتۇسىپ، گافاري تاليبان ونىڭ سوڭىنان ەرەتىنىن مالىمدەدى.
– مەن تاليباننىڭ كەلۋىن كۇتىپ وتىرمىن. ماعان جانە مەنىڭ وتباسىما كومەكتەسەتىن ەشكىم جوق. ولار كەلىپ، مەنى ولتىرەدى. مەن ءوز وتباسىمدى تاستاپ كەتە المايمىن. ولاردى تاستاپ قايدا بارامىن؟، – دەيدى ول.
پىكىر قالدىرۋ