كاسىپكەرلەرگە Ashyq جوباسىنا تىركەلۋ وڭايىراق بولادى. Halyk Bank قازاقستاندىق بانكتەر اراسىندا ءبىرىنشى بولىپ اتامەكەن ۇكپ بىرلەسە زاڭدى تۇلعالارعا ارنالعان QR-كودتى تىركەۋ فۋنكسياسىن ەنگىزدى. قىزمەت كورسەتۋ سالاسىمەن بايلانىستى بيزنەس وبەكتىلەرى نەمەسە Ashyq جوباسىمەن كىرۋ مىندەتتەلگەن قىزمەتكەرلەرىنىڭ سانى كوپ كومپانيالار Onlinebankء-تىڭ ۆەب-نۇسقاسىندا QR-كودتى بىرنەشە باتىرمانى باسۋ ارقىلى جانە ونلاين الىپ، كارانتين تالابىن ورىنداي الادى.
– Halyk Bank – ەكىنشى دەڭگەيلى بانكتەر اراسىندا ءوزىنىڭ فينتەح-پروسەستەرىن Ashyq تىركەۋ جۇيەسىمەن بىرىكتىرگەن العاشقى بانك. ءبىزدىڭ زاڭدى تۇلعالار ەندى ۇيدەن شىقپاي-اق Onlinebank ۆەب-نۇسقاسىنىڭ كومەگىمەن بىرنەشە باتىرمانى باسۋ ارقىلى QR-كودتى جاساي الادى. قازىرگى ۋاقىتتاعى كوروناۆيرۋستىق پاندەمياعا بايلانىستى ەلدەگى جاعدايدىڭ قيىن ەكەنىن ەسكەرە وتىرىپ، ەكونوميكا سالاسىنىڭ كوپتەگەن باعىتىنداعى قىزمەت كورسەتۋ جۇمىسى شەكتەلىپ، تەك Ashyq ارقىلى جۇمىس ىستەيدى. وسىعان وراي كاسىپكەرلەرگە Ashyq جۇيەسىندە تىركەلۋدىڭ ىڭعايلى ءتاسىلىن ۇسىنۋ وسى كۇردەلى كەزەڭدە بانك تاراپىنان ايتارلىقتاي قولداۋ بولادى، – دەيدى Halyk Bank مەملەكەتتىك قىزمەتتەردى سيفرلاندىرۋ جونىندەگى باسقارۋشى ديرەكتورى ناريمان مۇقىشيەۆ.
Onlinebank-تە QR-كودتى الۋ تەك بيزنەس سۋبەكتىلەرىنە عانا بەرىلەتىنىن اتاپ وتكەن ءجون. بۇل – سۋبەكتىنىڭ اتاۋى، ونىڭ ورنالاسقان جەرى جانە باسقا سايكەستەندىرۋ دەرەكتەرى كورسەتىلگەن ەلەكتروندىق يدەنتيفيكاتور. ءبىر وبەكتىگە كىرۋ ءۇشىن ءبىر QR كود بەرىلەدى.
كومپانيانى Onlinebank ارقىلى Ashyq-قا تىركەۋ ءۇشىن تومەندەگىدەي قادامداردى جاساۋ كەرەك:
- Onlinebank جۇيەسىنىڭ ۆەب-نۇسقاسىنا كىرۋ؛
- جەكە كابينەتكە كىرىپ، Ashyq فۋنكسياسىن تاڭداۋ؛
- سايكەستىك اكتىسىن الۋعا ءوتىنىم جولداۋ؛
- سايكەستىك اكتىسىن الۋعا ءوتىنىمدى ماقۇلداعاننان كەيىن QR-كودتى الۋعا ءوتىنىم جولداۋ؛
- Ashyq QR-كودىن باسىپ شىعارۋ.
ەگەر Ashyq جۇيەسىندە ادەتتەگى تىركەۋ كەزىندە كاسىپكەرلەرگە ۇكو-تان ەسق قاجەت بولسا، Onlinebank ۆەب-سەرۆيسىندە QR-كودتى الۋ ءۇشىن Halyk Bank زاڭدى قولدانۋشىلاردىڭ سيفرلىق قولتاڭباسىن قاجەت ەتەدى. تىركەۋ كەزىندە باسقا ەشتەڭە تالاپ ەتىلمەيدى جانە وفلاين قول قويۋدىڭ قاجەتى جوق.
ناريمان مۇقىشيەۆ Halyk Bank-تە وسىنداي قىزمەتتىڭ پايدا بولۋىندا بانكتىڭ ىشكى كومانداسى – ترانزاكسيالىق بيزنەس دەپارتامەنتى مەن Onlinebank دەپارتامەنتىنىڭ ۇلكەن ەڭبەگى بار ەكەنىن اتاپ ءوتتى.
– اتامەكەن ۇلتتىق كاسىپكەرلەر پالاتاسىنىڭ اشىقتىعى مەن بيزنەسكە ارنالعان وسىنداي سەرۆيستەردى ىسكە اسىرۋعا دايىن بولعانىنا العىس ايتامىز. Halyk Bankء-تىڭ وسىنداي سەرۆيستەرمەن ينتەگراسيا جۇرگىزۋ بويىنشا بارلىق تالاپتارعا سايكەس كەلەتىن قاجەتتى ينفراقۇرىلىمى جانە دامىعان تەحنولوگيالارى بار ەكەنىن اتاپ وتكىم كەلەدى، – دەدى Halyk Bank سيفرلاندىرۋ جونىندەگى باسقارۋشى ديرەكتورى.
Ashyq – قوعامدىق ورىندارعا كەلۋشىلەردى تىركەۋگە ارنالعان قوسىمشا. مەكەمەگە كىرەر الدىندا پايدالانۋشى ارنايى QR-كودتى سكانەرلەيدى جانە ناتيجەسىن اكىمشىگە كورسەتەدى. قوسىمشادا ادامنىڭ ءتورت كۇيى كورسەتىلگەن: بەيتاراپ (كۇي فونى – كوك)، ءقاۋىپسىز (جاسىل)، بايلانىس (سارى) جانە جۇقتىرعان (قىزىل).
پىكىر قالدىرۋ