شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن كوروناۆيرۋس ينفەكسياسىنا قارسى قالالىق شتابتىڭ وتىرىسى ءوتتى.
جىل باسىنان بەرى قالادا 25 مىڭعا جۋىق ادامنان كوروناۆيرۋس ينفەكسياسى تىركەلىپ، ونىڭ ىشىندە بۇگىنگى كۇنگە دەيىن 16 مىڭنان استام ناۋقاس جازىلىپ شىققان. جالپى ەكپە ناۋقانى باستالعالى قالاداعى 319 مىڭنان اسا تۇرعىن ۆاكسينانىڭ ەكىنشى كومپونەنتىن قابىلداعان.
ايتا كەتەيىك، سوڭعى اپتادا جەدەل مەديسينالىق كومەكتى شاقىرتۋ كورسەتكىشى تومەندەگەن. ماسەلەن، ءبىر اپتا بۇرىن جەدەل جاردەم قىزمەتىنە ءبىر كۇندە 2275 شاقىرتۋ تۇسكەن بولسا، بۇگىنگى كۇنى تاۋلىگىنە 2048ء-دى قۇراپ وتىر.
ال، موبيلدىك بريگادالار قىزمەت كورسەتكەن بارلىق پاسيەنتتەرگە كلينيكالىق حاتتاما مەن الگوريتمگە سايكەس ەمدەۋ تاعايىندالعان. بازيستىك تەراپيا انامنەزىندە 5756 پاسيەنتتىڭ جاعدايى جاقسارعانى بايقالعان، بۇل امبۋلاتوريالىق باقىلاۋداعى بارلىق پاسيەنتتەردىڭ 51،7% - ىن قۇرايدى ەكەن.
وتىرىس سوڭىندا جاۋاپتى مامانداردىڭ ۇسىنىس، پىكىرلەرىن تىڭداعان قالا اكىمى كورونوۆيرۋستىق ينفەكسيانىڭ تارالۋىنا جول بەرمەۋ ماقساتىندا مونيتورينگتىك توپتىڭ جۇمىسىن جانداندىرۋدى سونداي-اق ۆاكسيناسيالاۋ جۇمىستارىن جۇيەلى جۇرگىزۋ قاجەتتىلىگى تۋرالى ايتتى.
ءقازىر ديسپانسەرلىك ناۋقاستار توبىنا جاتاتىن ادامداردىڭ ىشىندە سوزىلمالى اۋرۋى بار ناۋقاستاردىڭ 54% ۆاكسينا العان. اكىم قالاداعى احۋالدى نازارعا الىپ، ۆاكسينا الۋعا قارسى مەديسينالىق كورسەتىلىم بولماعان جاعدايدا سوزىلمالى اۋرۋى بارلاردى دا ۆاكسينا سالدىرۋعا شاقىرۋدى ايتتى.
پىكىر قالدىرۋ