اقتوبە وبلىسىندا جول اپاتى بولىپ، بۇتىندەي ءبىر وتباسى مۇشەلەرى كوز جۇمدى، دەپ حابارلادى وبلىستىق  پوليسيا دەپارتامەنتى.

قايعىلى وقيعا 16 تامىز كۇنى 19:15-تە بولعان. اقتوبە قالاسىنان ىرعىز اۋىلىنا قاراي كەلە جاتقان "Nissan X-Trail" كولىگىنىڭ 39 جاستاعى جۇرگىزۋشىسى، الدىنداعى كولىكتى باسىپ وزباق بولىپ، قارسى جولعا شىعىپ "Volvo" جۇك كولىگىمەن سوقتىعىسقان. 

سالدارىنان "Nissan" جۇرگىزۋشىسى، ونىڭ 40 جاستاعى جارى مەن 11 جاستاعى ۇلى سول جەردە كوز جۇمعان. ال 5 جاسار ۇلى مەن 10 جاستاعى قىزى ىرعىز اۋدانىنىڭ ورتالىق اۋرۋحاناسىنا جەتكىزىلگەن. الايدا 5 جاسار ۇلى اۋرۋحاناعا بارعاندا كوز جۇمعان. 

ءقازىر قىلمىستىق كودەكستىڭ 345-بابى 4 بولىگى (ەكى جانە ودان دا كوپ ادامنىڭ ولىمىنە سەبەپ بولعان جول قوزعالىسى ەرەجەسىن بۇزۋ) بويىنشا ءىس قوزعالىپ، تەرگەۋ جۇرۋدە.