فيلولوگيا عىلىمدارىنىڭ دوكتورى، پروفەسسور ءالىمحان جۇنىسبەك كوروناۆيرۋستان قايتىس بولدى. قارالى حابارلى احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا راستادى.
ءالىمحان جۇنىسبەك قازاق فونەتيكاسىنا، ورفوگرافيا مەن ورفوەپيا ماسەلەلەرىنە، سينگارمونيزم تەورياسىنا ەڭبەك سىڭىرگەن عالىم.
ءالىمحان جۇنىسبەك 1938 جىلى تۇركىستان وبلىسى ءشاۋىلدىر اۋدانىندا تۋعان.
قازمۋ-دىڭ فيلولوگيا فاكۋلتەتىن 1963 جىلى بىتىرگەن. 1964 جىلدان قازاقستان عىلىم اكادەمياسى احمەت بايتۇرسىن ۇلى اتىنداعى ءتىل ءبىلىمى ينستيتۋتىندا كىشى عىلىمي قىزمەتكەر، اعا عىلىمي قىزمەتكەر، ءبولىم مەڭگەرۋشىسى، باس عىلىمي قىزمەتكەر بولىپ جۇمىس ىستەگەن.
ءالىمحان جۇنىسبەك قازاق فونەتيكاسىنا، ورفوگرافيا مەن ورفوەپيا ماسەلەلەرىنە، سينگارمونيزم تەورياسىنا ەڭبەك سىڭىرگەن عالىم.
ول تۇركى جانە قازاق ءتىلتانىمىنداعى ءسوزقۇراۋىش ماسەلەسى، قازاق تىلىندەگى سينگارمونيزم زاڭى، قازاق ءتىلىنىڭ ارتيكۋلياسيالىق بازاسى قۇرامىنداعى ارتيكۋلياسيالىق ۇلگىلەر، قازاق تىلىندەگى بۋىن جانە مورفەمانىڭ دىبىس قۇرامى مەن جەلىسى، لاتىن الىپبيىنە كوشۋ ماسەلەلەرى، قازاق ءتىلىن وزگە ۇلت وكىلدەرىنە ۇيرەتۋ ادىستەمەسى ماسەلەلەرىمەن اينالىسقان.
عالىم 2007 جىلى قازاقستان رەسپۋبليكاسى ءبىلىم جانە عىلىم مينيسترلىگىنىڭ "قازاقستان رەسپۋبليكاسىنىڭ عىلىمىن دامىتۋعا سىڭىرگەن ەڭبەگى ءۇشىن" توسبەلگىسىمەن، "ەرەن ەڭبەگى ءۇشىن" مەدالىمەن ماراپاتتالعان.
پىكىر قالدىرۋ