شىمكەنتتە COVID-19 ينفەكسياسىنىڭ الدىن الۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ تاپسىرماسىنا سايكەس، اتاۋلى الەۋمەتتىك كومەك الۋشى وتباسىلارعا تەگىن دارى-دارمەك قوبديشالارى تاراتىلدى. شاراعا قالالىق جۇمىسپەن قامتۋ جانە الەۋمەتتىك قورعاۋ باسقارماسى، قالالىق حالىقتى جۇمىسپەن قامتۋ ورتالىعىنىڭ قىزمەتكەرلەرى بەلسەندىلىك تانىتىپ، قوبديشالار ااك الۋشىلاردىڭ مەكەن-جايلارىنا تاراتىلدى.
دارىلىك توپتامانىڭ ىشىنە تەرمومەتر، 100 دانا مەديسينالىق بەتپەردە، قولعا ارنالعان انتيسەپتيك، يبۋپروفەن جانە پاراسەتامول ءدارىسى كىرەدى.جيىنتىقتاردىڭ قۇرامى ق ر دەنساۋلىق ساقتاۋ مينيسترلىگىنىڭ نەگىزىندە ايقىندالعان.
ايتا كەتسەك، اتالعان الەۋمەتتىك كومەك ءتۇرى اعىمداعى جىلدىڭ 15 شىلدەسىنەن باستاپ تاراتىلا باستادى. بۇگىنگى تاڭدا 20 مىڭنان استام اتاۋلى الەۋمەتتىك كومەك الۋشى وتباسى ءدارى قوبديشالارىن الدى.
جالپى قالادا اتاۋلى الەۋمەتتىك كومەكتى الاتىن 30 مىڭنان استام وتباسى بار.
پىكىر قالدىرۋ