ۇلىبريتانيا ايەلدەرگە، قىزدارعا، ءدىني جانە باسقا دا ازشىلىقتارعا باسىمدىق بەرەتىن جاڭا قونىس اۋدارۋ باعدارلاماسى بويىنشا 20 مىڭعا جۋىق اۋعاندىقتى قابىلدايتىنىن مالىمدەدى.
تايمس گازەتى "ادام قۇقىقتارىن بۇزۋ جانە تاليبان تاراپىنان ادامگەرشىلىككە جاتپايتىن قاۋىپتەر تونگەن ادامدارعا" باعىتتالعان ارنايى سحەما ارقىلى ۇلىبريتانيا بوسقىندارعا ءقاۋىپسىز جانە زاڭدى جول ۇسىناتىنىن حابارلادى. ۇلىبريتانياعا ءبىرىنشى جىلى شامامەن 5000 ادام كەلەدى دەپ كۇتىلۋدە.
ۇلىبريتانيا پرەمەر-مينيسترى بوريس دجونسون سوڭعى 20 جىل ىشىندە اۋعانستاندى جاقسارتۋ ءۇشىن ارىپتەس بولىپ جۇمىس ىستەگەندەردىڭ بارلىعىنا ريزاشىلىق ءبىلدىردى. سونداي-اق ول اسىرەسە ايەلدەر ءقازىر كومەككە اسا ءزارۋ ەكەنىن ايتتى.
اعىلشىن پارلامەنتى سارسەنبىدە اۋعانستانداعى جاعدايدى تالقىلاماق.
ۇلىبريتانيا ىشكى ىستەر ءمينيسترى پريتي پاتەل "ۇلت رەتىندە ءبىز اۋعانستاننان قاشىپ بارا جاتقان ەڭ وسال توپتارعا قولداۋ كورسەتۋ ءۇشىن قولدان كەلگەننىڭ بارلىعىن جاسايتىندىعىمىزعا سەنىمدىمىن" دەدى.
پىكىر قالدىرۋ