بۇگىن قازاقستاننىڭ اسكەري اۋە كۇشتەرى اۋعانستاننان ەۆاكۋاسيالانعان 42 جولاۋشىمەن الماتىعا ءساتتى قوندى، دەپ حابارلادى قورعانىس مينيسترلىگى.

قازاقستانعا 25 ق ر ازاماتى، ونىڭ ىشىندە 15 ەرەسەك ادام جانە 10 بالا، سونداي-اق ق ر ەلشىلىگىنىڭ قىزمەتكەرلەرى كەلدى.

سونىمەن قاتار اسكەري ۇشاقپەن قىرعىز تاراپىنىڭ ءوتىنىشى بويىنشا قىرعىز رەسپۋبليكاسىنىڭ 14 ازاماتى ەۆاكۋاسيالاندى.

گۋمانيتارلىق وپەراسيا رەتىندە وسى ۇشاقپەن قازاقستان ەلشىلىگىنە كومەك سۇراپ جۇگىنگەن 1 رەسەي ازاماتى مەن 1 ليتۆا ازاماتى اۋعانستاننان شىعارىلدى.

– بىرنەشە كۇن بۇرىن اۋعانستان اۋماعىندا قازاقستان ازاماتتارى جوق دەپ مالىمدەمە جاساعان ەدىك. سەبەبى ول كەزدە ءبىز بىلەتىن ادامداردىڭ ءبارى شىعىپ كەتكەن. الايدا ەكى-ۇش كۇننىڭ ىشىندە ەلشىلىككە ءبىر توپ ازامات كەلىپ، ەلگە ورالۋعا ءوتىنىش ءبىلدىردى. قازاقستاندىق قۇجاتتارىن كورسەتتى. بۇگىن عانا وسى جارتى ساعاتتاي بۇرىن الماتى اۋەجايىنا قورعانىس مينيسترلىگىنىڭ ارنايى ۇشاعى قوندى. ونىمەن قازاقستاننىڭ 25 ازاماتى ەلگە جەتكىزىلدى، – دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ،