"قىتايدىڭ وننان استام سوعىس ۇشاعى تايۆان اۋماعىنا باسىپ كىردى" دەپ حابارلادى South China Morning Post باسىلىمى.
گازەتتىڭ اقپاراتىنا سايكەس، جۇڭگو كۇشتەرىنەن التى يسترەبيتەل، ەكى بومبالاۋشى جانە ءۇش باقىلاۋ ۇشاعى تايۆاننىڭ وڭتۇستىك-باتىس اۋە قورعانىسىن سايكەستەندىرۋ ايماعىنا تاڭعى 9.30 مەن 10.22 ارالىعىندا ۇشىپ كىرگەن.
كوپ وتپەي تايۆان اسكەري اۋە كۇشتەرى رەاكتيۆتى ۇشاقتارمەن جاۋاپ بەرگەن جانە راديو ەسكەرتۋلەر جاساعان.
"بەيجىڭ كۇشتەرىنىڭ بەلسەندىلىگىن باقىلاۋ ءۇشىن تايۆان تاراپى اۋە شابۋىلىنا قارسى زىمىران جۇيەسىن ورنالاستىردى" دەپ حابارلادى تايبەي قورعانىس مينيسترلىگى.
قىتايدىڭ بۇل ارەكەتى كەزەكتى رەت دوق كورسەتۋ دەپ باعالانىپ جاتىر.
پىكىر قالدىرۋ