تۇركىستان وبلىسىندا ەر ادامنان 840 ءتۇپ جانە 300-گە جۋىق سىرىڭكە قورابىنا سالىنعان ەسىرتكى تاركىلەندى، دەپ حابارلادى Polisia.kz سايتى.

تۇركىستان وبلىسى پوليسەيلەرىنە جەتىساي اۋدانىندا جەرگىلىكتى تۇرعىننىڭ ءبىرى ءوسiرۋگە تىيىم سالىنعان ءوسiمدiكتەردi ەگىپ-وسىرۋمەن اينالىسادى دەگەن حابارلاما تۇسكەن. جەتىسايلىق پوليسەيلەر جان-جاقتى تەكسەرۋ جۇمىستارى ناتيجەسىندە ءۇيىنىڭ اۋلاسىنىڭ ارتقى جاعىندا ەسىرتكى تەكتەس سورا وسىمدىگىن وسىرگەن جەرگىلىكتى تۇرعىندى ۇستاعان.

"ءتارتىپ ساقشىلارى كۇدىكتىنىڭ اۋلاسىنان ايعاق زات رەتىندە 840 ءتۇپ ءوسىپ تۇرعان ەسىرتكى زاتىنا ۇقساس جاسىل ءتۇستى، حوش ءيىستى وسىمدىكتى تاركىلەدى. سونىمەن قاتار تۇرعىننىڭ ۋچاسكەسىنەن كەپتىرىپ جايىپ قويعان تاعى دا 289 دانا سىرىڭكە قورابىنا سالىنعان ەسىرتكى زاتىنا ۇقساس جاسىل ءتۇستى، حوش ءيىستى ەسىرتكى زاتىنىڭ جاپىراقتارى الىندى. جەتىساي اۋداندىق پوليسيا بولىمىندە اتالعان جايت بويىنشا ق ر قك-نىڭ 300-بابى 2-بولىگىنىڭ 3-تارماعىنا ساي (قۇرامىندا ەسiرتكi زاتتار بار، ءوسiرۋگە تىيىم سالىنعان ءىرى مولشەردەگى ءوسiمدiكتەردi زاڭسىز ەگىپ-وسىرۋ) تىركەلىپ، تەرگەپ-تەكسەرۋ ارەكەتتەرى باستالدى. سوتقا دەيىنگى تەرگەپ-تەكسەرۋ بارىسىندا ايعاق زات رەتىندە الىنعان ەسىرتكىگە ساراپتاما تاعايىندالدى" دەلىنگەن اقپاراتتىق حابارلامادا.

ساراپتاما قورىتىندىسى بويىنشا تاركىلەنگەن تۇپتەردىڭ "سورا"، ال سىرىڭكە قورابىنداعى ەسىرتكى زاتىنىڭ "كەپتىرىلگەن ماريحۋانا" ەكەنى راستالعان. كۇدىكتى ەر ادام قاماۋعا الىنعان. ءىس بويىنشا تەرگەۋ امالدارى باستالدى.