ءبىلىم جانە عىلىم مينيسترلىگىنە قاراستى مەملەكەتتىك جوعارعى وقۋ ورىندارى مۇعالىمدەرىنىڭ شەكتى جالاقىسى بەكىتىلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ حابارلادى.

– جاي وقىتۋشىلار – 200 مىڭ، اعا وقىتۋشىلار  – 230 مىڭ، پروفەسسورلار – 350 مىڭ الادى. وسىلايشا شەكتى جالاقى مولشەرىن بەلگىلەپ قويدىق، – دەدى مينيستر.

سونداي-اق ول مەكتەپ ديرەكتورلارىنىڭ جالاقىسى جۇكتەمەگە قاراي بەلگىلەنەتىنىن اتاپ ءوتتى.

– قازىرگى ۋاقىتتا مەكتەپ باسشىلارىنىڭ جالاقىسىنا قاتىستى ماسەلە كوپ تاقىلانىپ جاتىر. ءبىز ول جايلى بىلەمىز. قازىرگى ەڭبەكاقى دەڭگەيىندە باسەكەگە قابىلەتتى مەنەدجەرلەر باسشىلىق قىزمەتكە بارۋعا قىزىقپاي وتىر. جالپى جاقسى پەداگوگتەر وقۋ ءىسىنىڭ مەڭگەرۋشىسى، مەكتەپ ديرەكتورى بولۋعا ۇمتىلمايدى. ءبىز ودان حاباردارمىز. سوندىقتان بۇل ماسەلە وزگەرىس ەنگىزۋدى قاجەت ەتەدى. ءبىلىم جانە عىلىم مينيسترلىگى مەكتەپ ديرەكتورلارىنا ەڭبەكاقى تولەۋ جۇيەسىنە، سونىڭ ىشىندە ءارتۇرلى ۇيىمدار بويىنشا جالاقىنى سارالاۋعا وزگەرىس ەنگىزۋدى قاراستىرىپ جاتىر. بۇل 40 بالا وقيتىن مەكتەپ ديرەكتورى مەن باقىلاۋىندا 1200-2000 وقۋشى بار مەكتەپ باسشىلارىنا بىردەي جالاقى تولەۋگە قاتىستى. مۇندا جۇكتەمە ءار ءتۇرلى ەكەنى انىق كورىنىپ تۇر. ءبىز بۇل جايلى ايتتىق جانە مينيسترلىك سايكەس شەشىم دايىنداپ جاتىر، – دەدى مينيستر تامىز كونفەرەنسياسىندا سويلەگەن سوزىندە.