دەنساۋلىق ساقتاۋ مينيسترلىگى 22 تامىزدا پتر تەست ارقىلى 6314 ادامنان كوروناۆيرۋس، 27 ادامنان پنيەۆمونيا انىقتالعانىن حابارلادى. 21 تامىزدا 113 ادام كوروناۆيرۋستان، 24 ادام پنيەۆمونيادان قايتىس بولعان.

23 تامىزداعى مالىمەت بويىنشا، 124 871 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 30 197 پاسيەنت ستاسيوناردا، 94 674 ناۋقاس امبۋلاتوريالىق دەڭگەيدە ەم قابىلداۋدا. 

كوروناۆيرۋسقا شالدىققاندار اراسىندا 1 944 ادامنىڭ جاعدايى اۋىر، 518 پاسيەنتتىڭ جاعدايى وتە اۋىر، 312 ناۋقاس ءوجج اپپاراتىندا جاتىر.

23 تامىزداعى مالىمەت بويىنشا قازاقستاندا 6 369 263 ادام ۆاكسينانىڭ ءى كومپونەنتىن، II كومپونەنتىن 5 013 064 ادام سالدىرعان.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارى "قىزىل" ايماقتا. تۇركىستان وبلىسى عانا "جاسىل" ايماقتا.