اۋعانستان استاناسى كابۋلدىڭ حاميد كارزاي اتىنداعى حالىقارالىق اۋەجايىندا اۋعان قاۋىپسىزدىك كۇشتەرى مەن بەلگىسىز شابۋىلداۋشىلار اراسىندا اتىس بولدى، دەپ جازادى نەمىستىڭ Dw.com باسىلىمى.
وقيعا جەرگىلىكتى ۋاقىت بويىنشا تاڭعى 04.13-تە بولعان. اتىس سالدارىنان اۋعان قاۋىپسىزدىك كۇشتەرى ءبىر وكىلى قازا تاۋىپ، ءۇش ادام جارالانعان. اتىسقا امەريكا مەن نەمىس كۇشتەرى ارالاسىپ، جاعداي باقىلاۋعا الىنعان.
بۇعان دەيىن تاليبان قوزعالىسى اۋعانستاننىڭ بارلىق ءىرى قالاسىن باسىپ العان. وسىعان بايلانىستى اقش پەن وزگە ەلدەر ءوز ازاماتتارىن ەۆاكۋاسيالاي باستاعان. 18 تامىزدا قازاقستانعا اۋعانستاننان 42 ادام جەتكىزىلدى. ونىڭ ىشىندە 25 ادام قازاقستان ازاماتى.
اقش پرەزيدەنتى دجو بايدەن اق ۇيدە بايدەن اۋعانستاننان امەريكالىقتاردى، ءقاۋىپ ءتونۋى ىقتيمال اۋعانداردى ەۆاكۋاسيالاۋ قارقىنى جىلدامداعانىن، ادامداردى ەلدەن شىعارۋ مەرزىمىن ۇزارتۋ بويىنشا تاليبان ۇيىمىمەن كەلىسسوز ءجۇرىپ جاتقانىن ايتتى. بايدەننىڭ سوزىنشە، 14 تامىزدان بەرى اۋعانستاننان 28 مىڭ ادام ەاۆكۋاسيالانعان. تاعى ونداعان مىڭ ادام اۋە كولىگىن توسىپ وتىر.
پىكىر قالدىرۋ