ەڭبەك قاتىناستارى سالاسىنداعى كەمشىلىكتەر ءاربىر تەكسەرۋ سايىن انىقتالادى جانە نەگىزىنەن باسشىلار مەن قاتارداعى قىزمەتكەرلەردىڭ ەڭبەك زاڭنامالارىن جەتە بىلمەۋىنەن ورىن الادى. وسىنى نەگىزگە العان شىمكەنت قالاسىنىڭ اكىمى م.ايتەنوۆ قالاداعى ءىرى جانە ورتا كاسىپورىندار ۇجىمىنا ەڭبەك زاڭناماسىنىڭ ساقتالۋى بويىنشا ءتۇسىندىرۋ جۇمىستارىن جۇرگىزۋدى تاپسىرعان بولاتىن.

قالا اكىمىنىڭ تاپسىرماسىنا سايكەس مەملەكەتتىك ەڭبەك ينسپەكسياسىنىڭ قىزمەتكەرلەرى قالاداعى 200-گە جۋىق ءىرى جانە ورتا كاسىپورىنداردىڭ ەڭبەك زاڭناماسىن ساقتاۋى بويىنشا تاۋەكەل دەڭگەيىنە تالداۋ جۇرگىزدى. تالداۋ ناتيجەسىمەن ءقاۋىپتى ايماقتا تۇرعان تاۋەكەلدىك دەڭگەيى جوعارى 54 كاسىپورىن انىقتالعان. باسقارما ماماندارى اتالعان كاسىپورىنداردىڭ ەڭبەك ۇجىمىمەن كەزدەسۋ وتكىزىپ، COVID-19 اۋرۋىنا قارسى ەكپە الۋ، ەڭبەك زاڭناماسىنا ەنگىزىلگەن وزگەرىستەر جانە وندىرىستەردە ەڭبەك قاۋىپسىزدىگىن قامتاماسىز ەتۋ بويىنشا ءاقپاراتتىق-تۇسىندىرۋ جۇمىستارى جۇرگىزىلۋدە. بۇگىنگى تاڭدا 20 كاسىپورىندا سەمينار ءوتتى.

وسى ماقساتتاعى جۇمىستاردى جالعاستىرۋ ماقساتىندا قالا اكىمىنىڭ ورىنباسارى ماقسۇت يساحوۆ «بايتەرەك لب» ج ش س ۇجىمىمەن كەزدەستى.
بۇل سەرىكتەستىك جاسىل جەلەكتەردى كۇتىپ ۇستاۋ مەن سانيتارلىق تازالىق جۇمىستارىن جۇرگىزەتىن كاسىپورىندارىنىڭ ءبىرى، ناۋقان كەزەڭدەىندە 200-گە جۋىق جۇمىسكەر وسى ۇجىمدا ەڭبەك ەتەدى.

سەميناردا ەڭبەك زاڭناماسىنا ەنگىزىلگەن وزگەرىستەر، ەڭبەك قاۋىپسىزدىگىن قامتاماسىز ەتۋ، COVID-19 ينفەكسياسىنا قارسى ۆاكسيناسيالاۋ، ۇجىمدىق جانە ەڭبەك شارتتارىن جاساسۋدىڭ ماڭىزدىلىعى، وندىرىستىك جاراقاتتانۋ، كاسىبي اۋرۋشاڭدىقتان ساقتالۋ، ءقاۋىپتى جاعدايلاردى الدىن الا ەسكەرتۋ تۋرالى تۇسىندىرمە بەرىلدى.

قازاقستان رەسپۋبليكاسى زاڭناماسىنا سايكەس، ءاربىر قىزمەتكەر ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتارعا، سونداي-اق ەڭبەك، ۇجىمدىق شارتتارعا سايكەس، سانيتارلىق-تۇرمىستىق جايلارمەن، جەكە جانە ۇجىمدىق قورعانىش قۇرالدارىمەن قامتاماسىز ەتۋگە قۇقىلى ەكەنى ءتۇسىندىرىلدى.