قالا اكىمىنىڭ ورىنباسارى ماقسۇت يساحوۆتىڭ قاتىسۋىمەن وتكەن پرەسس-تۋر بارىسىندا ب ا ق وكىلدەرى كوپپاتەرلى تۇرعىن ۇيلەردە ورناتىلاتىن ليفتتەردى باسقارما تاراپىنان سىناقتان وتكىزىپ ەسەپكە الۋ، مەملەكەتتىك كورسەتىلەتىن قىزمەتىنىڭ جۇمىسىمەن تانىستى.

جۋرناليستەرگە تۇران شاعىن اۋدانىندا ورنالاسقان №7 ءۇي ليفتىنە سىناق جۇمىستارىن جۇرگىزۋ بارىسى كورسەتىلدى. مامانداردىڭ ايتۋىنشا، سىناق ەكى تۇردەن تۇرادى ەكەن، ول ستاتيكالىق جانە ديناميكالىق. ەڭ ءبىرىنشى ءليفتتىڭ ورنالاسقان شاحتاسى، باسقارۋ ورتالىعى، كابينانىڭ تەحنيكالىق سيپاتتاماسى تەكسەرىلەدى. سىناق جۇمىستارى تولىق ساتىمەن وتىلگەننەن كەيىن، جۇك كوتەرگىش مەحانيزىمدەرى تەكسەرىلەدى.

شىمكەنت قالاسىنىڭ كوپقاباتتى تۇرعىن ۇيلەرىندە ورناتىلعان ليفتتەردىڭ سانى بۇگىنگى تاڭدا 401ء-دى قۇرايدى. ونىڭ 397ء-سى جۇمىس ىستەپ تۇرسا، قالعان تورتەۋى ىستەن شىققان. ياعني، تاۋكە حان № 29 ءۇيدىڭ 6 ءليفتىسىنىڭ 3ء-ى، ع.يليايەۆ № 37 ءۇيدىڭ 2 ءليفتىسىنىڭ بىرەۋى ىستەمەيدى. ال، ىستەپ تۇرعان 397 ءليفتىنىڭ 26-نىڭ پايدالانۋ مەرزىمى ۇزارتىلعان.

سونىمەن بىرگە، قالاداعى دەنساۋلىق ساقتاۋ مەكەمەلەرىندە 66 ليفت، ءبىلىم بەرۋ باسقارماسىنا قاراستى مەكتەپتەردە 23 ليفت، قوعامدىق ورىنداردا، ساۋدا ورتالىقتارىندا جانە قوناق ۇيلەردە 58 ليفت بار.