بەلگىلى اقىن، جازۋشى، الاش ارىسى ءىلياس جانسۇگىروۆتىڭ ءۇشىنشى ايەلى فاتيما تورەبايەۆادان تۋعان ۇلى سايات جانسۇگىروۆ 91 جاسىندا ومىردەن وزدى. بۇل تۋرالى بالالار جازۋشىسى، ادەبيەت سىنشىسى ەلدوس توقتارباي حابارلادى.
كەنشى، تەحنيكا عىلىمدارىنىڭ كانديداتى سايات جانسۇگىروۆ 1930 جىلى 21 اقپاندا دۇنيەگە كەلگەن. ماسكەۋدە ءبىلىم الىپ، زەينەتكە شىققانشا تاۋ ينجەنەرى بولىپ جۇمىس ىستەگەن. قازاق سسر عىلىمدار اكادەمياسىنىڭ تاۋ-كەن ءىسى ينستيتۋتىندا ءبىراز ۋاقىت ەڭبەك ەتكەن.
ول ءۇيدىڭ تۇڭعىشى بولعان. 8 جاسىندا اكەسىنەن ايىرىلىپ، ارتىنان اناسى دا كوز جۇمعان. بۇل ساياتتىڭ ەڭبەككە ەرتە ارالاسۋىنا اسەر ەتتى. ول 13 جاسىنان باستاپ جۇمىس ىستەي باستاعان.
پىكىر قالدىرۋ