پرەمەر-مينيستردىڭ ورىنباسارى ەرالى توعجانوۆ ەلدە كارانتين شارالارى جەڭىلدەيتىنىن حابارلادى.
28 تامىزدان باستاپ تومەندەگى نىسانداردىڭ قىزمەتىنە رۇقسات بەرىلەدى:
- "ASHYQ" جوباسىنا قاتىساتىن بارلىق بيزنەس وبەكتىلەرى دەمالىس كۇندەرى ساعات 24:00-گە دەيىن، "ASHYQ" جوباسىنىڭ كوشباسشىلارى "ASHYQ" قوسىمشاسى ارقىلى قىزمەتكەرلەر مەن كەلۋشىلەردىڭ "جاسىل مارتەبەسى" راستالعان (ۆاكسيناسيالانعاندار، 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) جاعدايدا ساعات 02:00-گە دەيىن ىستەۋىنە رۇحسات؛
- سەنبى كۇنى-قوعامدىق كولىك قىزمەتىنە رۇقسات ەتىلەدى.
30 تامىزدان باستاپ جۇمىس كۇندەرى:
- "ASHYQ" جوباسىنا قاتىساتىن بارلىق بيزنەس وبەكتىلەردىڭ جۇمىس ۋاقىتى 22:00-دەن 24:00-گە دەيىن، "ASHYQ" جوباسى كوشباسشىلارىنىڭ جۇمىس ۋاقىتى 24:00-دەن 02:00-گە دەيىن ۇزارتىلادى.
الماتى قالاسىنداعى ەپيدەميولوگيالىق جاعدايعا بايلانىستى كارانتين شارالارىنىڭ جەڭىلدەتىلۋى دەمالىس كۇندەرى ءۇشىن 4 قىركۇيەكتە، جۇمىس كۇندەرى ءۇشىن 6 قىركۇيەكتە باستالادى.
پرەمەر-مينيستردىڭ ورىنباسارى تامىز ايىنىڭ سوڭىنا دەيىن ورىنداۋ ءۇشىن تومەندەگى تاپسىرمالاردى بەردى:
- مەديسينالىق قارسى كورسەتىلىمدەرى بار ادامداردى قوسپاعاندا، پەداگوگتەر مەن تەحنيكالىق پەرسونالدى ۆاكسيناسيالاۋدى اياقتاۋ؛
- سانيتاريالىق تالاپتارعا سايكەس مەكتەپتەردىڭ تولىق دايىندىعىن قامتاماسىز ەتۋ؛
- پەداگوگتەر، قىزمەتكەرلەر جانە اتا-انالار ءۇشىن بارلىق ءبىلىم بەرۋ ۇيىمدارىندا "ASHYQ" جۇيەسىنىڭ جۇمىسىن قامتاماسىز ەتۋ؛
- ءبىلىم بەرۋ ۇيىمدارىن وقۋلىقتارمەن، وقۋ-ادىستەمەلىك كەشەندەرمەن 100% قامتاماسىز ەتۋ بويىنشا شارالار قابىلداۋ؛
- مەكتەپتەردە كۇردەلى جانە اعىمداعى جوندەۋ جۇمىستارىن اياقتاۋ.
پىكىر قالدىرۋ