بەيجىڭ ءوزىنىڭ ۇلتتىق وقۋ باعدارلاماسىنا جۇڭگو ءتوراعاسىنىڭ ساياسي يدەولوگياسىن ەنگىزەتىن بولادى. بۇل تۋرالى BBC حابارلادى.

– "سي سزينپين يدەياسى" جاسوسپىرىمدەرگە ماركستىك سەنىمدەردى قالىپتاستىرۋعا كومەكتەسەدى، – دەدى جۇڭگو ءبىلىم مينيسترلىگى جاڭا نۇسقاۋلىقتاردا.

جۇڭگو كوممۋنيستىك پارتياسى (قكپ)  ءتوراعاسىنىڭ يدەولوگياسى باستاۋىش مەكتەپتەن ۋنيۆەرسيتەتكە دەيىن بىرىكتىرىلەتىن بولادى.

بۇل – ءسيدىڭ جۇڭگو قوعامىنداعى ءار ءتۇرلى سالالاردا قكپ-نىڭ ءرولىن نىعايتۋعا باعىتتالعان سوڭعى ارەكەتى.

مينيسترلىك ءوز مالىمدەمەسىندە "ءسوسياليزمنىڭ قۇرۋشىلارى مەن ءىزباسارلارىن جان-جاقتى مورالدىق، ينتەللەكتۋالدى، فيزيكالىق جانە ەستەتيكالىق نەگىزدە تاربيەلەۋدى" ماقسات ەتكەنىن ايتتى.

ادىستەمەلىك نۇسقاۋلارعا "ەڭبەكقور رۋحتى تاربيەلەۋ ءۇشىن" ەڭبەك تاربيەسى مەن ۇلتتىق قاۋىپسىزدىك تۋرالى ءبىلىم بەرۋ كىرەدى.

2018 جىلى قىتايدىڭ جوعارعى ورگانى كونستيتۋسياعا "سي سزينپين يدەياسىن" بەكىتكەن.