قازاقستاننىڭ باس سانيتار دارىگەرى ەرلان قياسوۆ 2021-2022 وقۋ جىلىندا ءبىلىم بەرۋ ۇيىمدارىندا كوروناۆيرۋستىق ينفەكسيانىڭ الدىن الۋ ماقساتىندا جاڭا قاۋلى جاريالادى.
قۇجاتقا سايكەس 2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقۋعا رۇقسات ەتىلگەن.
وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، ءبىلىم جانە عىلىم مينيسترلىگى، بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىنىڭ باسشىلارى تومەندەگى تالاپتاردى ساقتاۋى ءتيىس:
- پەداگوگتەر مەن پەرسونالدار 100% ۆاكسيناسيالانۋى قاجەت؛
- ءبىلىم بەرۋ مەكەمەسىنە كىرۋ كەزىندە "Ashyq" قوسىمشاسىن ەنگىزۋ كەرەك؛
- ماسكا رەجيمىن ساقتالۋعا ءتيىس؛
- رەسيركۋلياتورلاردىڭ، سانيتايزەرلەردىڭ، انتيسەپتيكتەردىڭ، دەزينفەكسيالاۋ جانە جۋۋ قۇرالدار جەتكىلىكتى قامتاماسىز ەتىلۋ قاجەت؛
- بۇقارالىق ءىس-شارالاردى وتكىزۋگە تىيىم سالىنادى؛ (مادەني، تاربيە، سىنىپتان تىس جانە اتا-انالار جينالىستارى جانە ت. ب.)
- مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالىنادى؛
- زەرتحانالىق، پراكتيكالىق ساباقتاردى قوسپاعاندا، كابينەتتىك وقىتۋ جۇيەسىنە رۇقسات ەتىلمەيدى؛
- اسحاناداعى اۋا رەسيركۋلياتورلارىنىڭ قوندىرعىلارىن قامتاماسىز ەتە وتىرىپ، اسحانادا باقىلاۋ كۇشەيتىلەدى؛
- بوگدە ادامداردىڭ كىرۋىنە تىيىم سالا وتىرىپ، COVID-19-عا قارسى ۆاكسيناسيا العان ستۋدەنتتەر جاتاقحاناعا ورنالاسا الادى؛
-
وقۋ ورنى بويىنشا اۋماقتىق مەديسينالىق ۇيىمداردىڭ ەگۋ پۋنكتتەرىندە COVID-19-عا قارسى ۆاكسيناسيالاۋدىڭ تولىق كۋرسىن اياقتاماعان ستۋدەنتتەر ۆاكسينا الۋ قاجەت؛
شەتەلدىك ستۋدەنتتەر نازارىنا:
- تۇرعىلىقتى ەلدىڭ ۋاكىلەتتى ورگانىمەن راستالعان COVID-19-عا قارسى ۆاكسيناسيالاۋدىڭ تولىق كۋرسىن ءوتۋى ءتيىس؛
- شەكارادان وتكەننەن كەيىن 3 تاۋلىكتەن كەشىكتىرمەي پتر ادىسىمەن الىنعان COVID-19-عا تەستىلەۋدىڭ تەرىس ناتيجە بار بولعان جاعدايدا كۇندىزگى وقۋ فورماتىنا جىبەرىلەدى؛
- پەداگوگتارعا، پەرسونالعا، اتا-انالارعا كەلۋشىلەرگە، ستۋدەنتتەرگە مەكتەپكە دەيىنگى جانە ورتا ءبىلىم بەرۋ ۇيىمدارىنا، كوللەدجدەرگە، ينتەرناتتار مەن جاتاقحانالاردى، اسحانالار مەن بۋفەتتەردى قوسا العاندا جوعارى وقۋ ورىندارىنا QR-كود بويىنشا "Ashyq" قوسىمشاسى ارقىلى كىرەدى؛
قاۋلى قول قويىلعان كۇننەن باستاپ كۇشىنە ەنەدى.
پىكىر قالدىرۋ