باتىس ەلدەرى اۋعانستانداعى مىڭداعان ادام جينالعان كابۋل اۋەجايىنا تەرروريستىك شابۋىل جاسالاتىنىن ەسكەرتەدى.
ۇلىبريتانيا قارۋلى كۇشتەرى ءمينيسترى دجەيمس حيپپي ۆۆس-گە ءقاۋىپتىڭ "وتە جوعارى" ەكەنىن ايتتى. بۇل ەسكەرتۋ ەۆاكۋاسيانىڭ سوڭعى كەزەڭى باستالعان كەزدە جاسالدى.
اقپاراتتار بويىنشا، ازىرگە 80 مىڭنان استام ادام ەلدەن شىعارىلدى. قازىرگى ۋاقىتتا كابۋل اۋەجايىندا 10 مىڭنان استام ادام كەزەك كۇتىپ تۇر.
اقش اسكەرلەرى باقىلايتىن اۋەجايدان ءالى دە 1500 امەريكالىققا ەۆاكۋاسيا قاجەت بولۋى مۇمكىن دەگەن مالىلمەت بار.
تالىپتەر بيلىككە قايتا كەلگەننەن كەيىن شەتەلدىك ميسسيالاردا جۇمىس ىستەگەن باتىستىقتار مەن اۋعاندار اۋعانستاننان كەتكىسى كەلەدى. ال، اقش ەۆاكۋاسيانى تاليبانمەن كەلىسىلگەن 31 تامىزعا دەيىن اياقتاۋدى كوزدەيدى.
پىكىر قالدىرۋ