2021 جىلدىڭ اقپان ايىندا اقتوبەلىك كەلىنشەك "قىزىنىڭ جىنىستىق مۇشەلەرىن سۋرەتكە ءتۇسىردى" دەپ ايىپتالىپ، ۋاقىتشا ۇستاۋ يزولياتورىنا قامالعان. كۇدىكتىنىڭ اناسى قىزى ەش ءدالىلسىز 6 اي بويى قاماۋدا وتىرعانىن، ول جاقتا ءتۇرلى قىسىم كورىپ وتىرعانىن ايتىپ، پرەزيدەنت قاسىم-جومارت توقايەۆقا ۆيدەوۇندەۋ جولدادى.
– قۇرمەتتى، قازاق ەلى! مەن اقمامىق نۇرعالييەۆا، ايدا جۇمامۇراتوۆانىڭ اناسىمىن. مەنىڭ قىزىم زاڭسىز تۇردە 6 اي بويى اقتوبەدەگى №5 تەرگەۋ يزولياتورىندا جازىقسىز قاماۋدا وتىر. قىزىمنىڭ بۇرىنعى كۇيەۋى ونى 7 جىل بويى ۇرىپ-سوعىپ، قىسىم كورسەتىپ كەلگەن. ال الەۋمەتتىك جەلىلەردە بلوگەرلەردىڭ كومەگىمەن قىزىمدى پەدوفيل دەپ ايىپتاپ، نەمەرەمنىڭ جىنىس مۇشەلەرىنىڭ سۋرەتتەرىن جەلىدە تاراتۋدا. تەرگەۋ كەزىندە قىزىمنىڭ كىناسىز ەكەنى دالەلدەنگەنىمەن، اقتوبە قالاسىنىڭ پروكۋراتۋراسى قىزىمدى ءالى بوستاندىققا شىعارمادى. تۇرمەدەگىلەر مەنىڭ قىزىمدى ۇرىپ، وعان پسيحولوگيالىق قىسىم كورسەتۋدە. قىزىمنىڭ ءومىرى ءۇشىن قورقامىن، – دەيدى جۇمامۇراتوۆانىڭ اناسى.
اشىنعان انا "ادىلەتتىلىككە جەتە الماي قالامىز با" دەپ قورقادى. سوندىقتان ءىستى باسقا وبلىستىڭ پروكۋرورلارىنىڭ قاراۋىن سۇرايدى.
– قۇرمەتتى قازاقستاندىقتار، ماعان كومەكتەسۋلەرىڭىزدى سۇرايمىن. مەن اقتوبە پروكۋرورلارىنا سەنبەيمىن. ءقازىردىڭ وزىندە ولار سوتپەن كەلىسىپ، وسى ءىستى سوتقا بەرۋدى قاراستىرىپ قويعان. مەن قىزىمنىڭ ءىسىن باسقا وبلىستىڭ پروكۋرورلارىنىڭ قاراۋىن سۇرايمىن، – دەيدى كۇدىكتىنىڭ اناسى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ