ۇلتتىق قاۋىپسىزدىك كوميتەتى اتىراۋ جانە باتىس قازاقستان وبلىستارىنىڭ اۋماعىندا قۇرامىندا ەسىرتكى بار وسىمدىكتەر ءوسىرۋدى ۇيىمداستىرعان قىلمىستىق توپتىڭ زاڭعا قايشى ارەكەتىنىڭ جولىن كەسكەنىن حابارلادى.
"ارنايى وپەراسيا ناتيجەسىندە 2021 جىلعى 18 تامىزدا ءۇش پلانتاسيادا 31 ادام (ونىڭ 17ء-سى شەتەلدىك)، ونىڭ ىشىندە ەسىرتكى توبىن ۇيىمداستىرۋشى ۇستالدى. زاڭسىز اينالىمنان 4 توننادان استام ماريحۋانا، 7 بىرلىك اتىس قارۋى مەن وق-دارىلەر تاركىلەندى. سونىمەن قاتار ءتىنتۋ بارىسىندا براكونەرلىك جولمەن الىنعان اقبوكەن مۇيىزدەرى مەن بەكىرە تۇقىمداس بالىقتار تابىلدى" دەلىنگەن اقپاراتتىق حابارلامادا.
فيگۋرانتتاردىڭ ەسىرتكى قىلمىسىنا قاتىستىلىعىنا بۇلتارتپاس دالەلدەمەلەرگە قول جەتكىزىلگەن. قىلمىستىق توپتىڭ قۇرىلىمى جانە قاتىسۋشىلار اراسىندا رولدەردى ءبولۋى انىقتالعان.
پىكىر قالدىرۋ